![due to Israel-Hamas war loss of innocent children says un list of shame](http://media.assettype.com/esakal%2F2024-06%2F233d5be9-18b2-4ee1-aeb5-1fc415a2fe12%2Find_iran__11_.jpg?w=480&auto=format%2Ccompress&fit=max)
न्यूयॉर्क : इस्राईल -हमास युद्धात आतापर्यंत १५ हजार ५७१ निष्पाप मुलांचा जीव गेला आहे. इस्रायली हल्ल्यांमध्ये झालेल्या या हत्या म्हणजे जगासाठी लाजिरवाणी बाब असल्याचे संयुक्त राष्ट्रांनी (यूएन) सांगत इस्राईल आणि हमासचा समावेश लज्जास्पद कृत्याच्या यादीत (लिस्ट ऑफ शेम) केला आहे.
या युद्धात आतापर्यंत १५ हजार ५७१ मुलांचा मृत्यू झाला आहे. ‘यूएन’चे सरचिटणीस अँटोनिओ गुटेरेस यांच्या कार्यालयाने सादर केलेल्या वार्षिक अहवालाशी ही यादी जोडण्यात आली आहे.इस्राईल -हमासमधील सशस्त्र संघर्षात मुलांच्या हक्कांचे उल्लंघन होत असल्याचे ‘द टाइम्स ऑफ इस्राईल’ने म्हटले आहे. ‘लिस्ट ऑफ शेम’मध्ये रशिया, इसिस,
अल-कायदा, बोको हराम, अफगाणिस्तान, इराक, म्यानमार, सोमालिया, येमेन आणि सीरियाचा समावेश आधीच केलेला आहे. आता त्यांच्या पंक्तीत प्रथमच इस्राईल आणि हमास संघटना आली आहे. टाइम्स ऑफ इस्राईल’ने दिलेल्या वृत्तानुसार, या यादीत समाविष्ट केलेला इस्राईल हा पहिला लोकशाहीवादी देश आहे.
हमासच्या हल्लेखोरांचे समर्थन करीत ‘यूएन’ने आज स्वतःलाच इतिहासाच्या काळ्या यादीत टाकले आहे. जगात सर्वाधिक मानवतेचे पालन ‘इस्राईल डिफेन्स फोर्स’ (आयडीएफ) करते. ‘यूएन’च्या कोणत्याही भ्रामक निर्णयाने यात बदल होणार नाही.
- बेंजामिन नेतान्याहू, पंतप्रधान, इस्राईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.