Ethiopia Air Strike : इथिओपिया देशात सध्या भीषण हिंसाचार सुरू आहे. स्थानिक गँग आणि देशाचं लष्कर यांच्यामध्ये काही दिवसांपासून मोठ्या प्रमाणात चकमकी सुरू आहेत. यातच रविवारी देशाच्या सेलम भागात एक मोठा ब्लास्ट झाला. यामध्ये 26 लोकांचा बळी गेल्याचं समोर आलं आहे.
फिनोट सेलम जनरल हॉस्पिटलचे सीईओ मनये तेनाव यांनी याबाबत माहिती दिली. रविवारी या भागात झालेल्या स्फोटामध्ये आतापर्यंत 26 जणांचा बळी गेल्याचं त्यांनी स्पष्ट केलं. अजूनही 50 लोकांवर उपचार सुरू असून, मृतांची संख्या वाढण्याची शक्यता वर्तवण्यात येत आहे. स्फोटापूर्वीच या हिंसाचारांमध्ये जखमी झालेल्या 160 लोकांवर या रुग्णालयात उपचार करण्यात आले आहेत.
तीन ऑगस्ट रोजी अमहारा प्रांतातील सैनिक आणि फानो नावाचा स्थानिक सशस्त्र गट यांच्यामध्ये लढाई सुरू झाली होती. इथिओपिया सरकारने चार ऑगस्टला अमहारा प्रांतात सहा महिन्यांची आणीबाणी जाहीर केली होती. यानंतर हे प्रकरण आणखी चिघळलं. (Global News)
इथिओपियातील मानवाधिकार आयोगाने या सर्व प्रकरणावर चिंता व्यक्त केली आहे. अमहाराच्या कित्येक भागांमध्ये मोठ्या प्रमाणात हिंसाचार झाला आहे. यामध्ये कित्येकांचे बळी गेले असून, सार्वजनिक संपत्तीचं देखील भरपूर नुकसान झालं आहे. सेलम, बहिर डार, गोंदर अशा कित्येक प्रांतांमध्ये अनागोंदी माजली आहे.
नऊ ऑगस्टनंतर याठिकाणी सुरू असलेला हिंसाचार कमी झाला होता. मात्र, रविवारी झालेल्या स्फोटाने पुन्हा एक ठिणगी पाडली आहे. या दरम्यान ऑस्ट्रेलिया, जपान, ब्रिटन, न्यूझीलंड आणि अमेरिका या देशांनी इथिओपियामधील आपल्या नागरिकांसाठी संयुक्त निर्देश जारी केले आहेत. या नागरिकांच्या सुरक्षेसाठी विशेष प्रयत्न करण्यात येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
