फेसबूक, गुगलने घेतला महत्त्वाचा निर्णय; कर्मचाऱ्यांना देणार...!

वॉशिंग्टन : कोरोना साथीचा रोगामुळे जगातील मृतांची संख्या दिवसेंदिवस वाढत आहे. दरम्यान या परिस्थितीत उपाययोजना म्हणून जाहीर करण्यात आलेल्या लॉकडाऊनमुळे जगभराची अर्थव्यवस्था विस्कळीत झाली आहे.

- ताज्या बातम्यांसाठी डाऊनलोड करा ई-सकाळचे ऍप

तसेच हा संसर्ग पसरू नये यासाठी अनेक मोठ्या कंपन्यांच्या कर्मचाऱ्यांना वर्क फ्रॉम होम देण्यात आले होते. अशा परिस्थितीमध्ये अमेरिकेतील फेसबूक आणि गूगल सारख्या 'टेक' कंपन्यांच्या कर्मचाऱ्यांना महामारीच्या सुरुवातीच्या काळातच घरून काम करण्यासाठी सांगितले होते.

- भारतीय आयटी व्यावसायिकांना मोठा धक्का? एच-१ बी व्हिसावर बंदी घालण्यासाठी ट्रम्प प्रशासनाच्या हालचाली

मात्र सध्या लॉकडाऊन शिथिल करण्यात आला असून काही ठिकाणी ऑफिस पण सुरू झाले आहेत. तर फेसबूक आणि गूगल सारख्या कंपन्यांनी जुलैमध्ये ऑफिस सुरू करण्याचे ठरविले असून कर्मचाऱ्यांना या वर्षाच्या अखेरपर्यंत 'वर्क फ्रॉम होम' काम करण्याची सवलत देण्यात आली आहे. 

फेसबूकने सांगितले की त्यांचे कार्यालय ६ जुलै पासून सुरू होणार आहे, मात्र कर्मचारी डिसेंबरच्या अखेर पर्यंत घरून काम करू शकतील. तर गूगलने सुद्धा आपल्या कर्मचाऱ्यांसाठी वर्क फ्रॉम होमची १ जून पर्यंतची सुविधा आणखीन सात महिन्यांसाठी वाढविली आहे.

- लसीशिवायच कोरोनाचा नायनाट होईल, ट्रम्प यांचा अजब दावा

या संदर्भात फेसबूकचे प्रवक्ते म्हणाले, "ऑफिस पासून लांब राहणारे कर्मचारी डिसेंम्बरच्या शेवटपर्यंत घरी राहूनच काम करू शकतात. सध्या ही परिस्थिती सातत्याने बदलत असल्यामुळे हे कर्मचारी ऑफिसमध्ये येऊन काम करणे योग्य राहील की नाही या शंकेत आहेत. यासाठी हा निर्णय घेण्यात आला आहे."

दरम्यान भारतातील इन्फोसिस, एचसीएल सारख्या कंपन्यानीसुद्धा हा संकटाचा काळ संपल्यानंतर कर्मचाऱ्यांना वर्क फ्रॉम होमची सवलत दिली जाईल, असा निर्णय घेतला आहे. 

- कोरोनाग्रस्तांची संख्या वाढतेय तरीही पाक सरकारने लॉकडाउन हटविला; 'हे' आहे महत्त्वाचं कारण!

"कर्मचाऱ्यांना सध्या ऑफिस मध्ये येऊन काम करण्याची गरज नाही. जुलै पासून ते ऑफिस मध्ये येऊन काम करू शकतील. तसेच कर्मचाऱ्यांच्या सुरक्षिततेसाठी कंपनीच्या सर्व शाखांमध्ये विशेष काळजी घेतली जाणार आहे. तसेच ज्या कर्मचाऱ्यांना घरून काम करणे शक्य आहे त्यांनी वर्षाच्या अखेरपर्यंत घरूनच काम करावे." 
- सुंदर पिचाई, मुख्य कार्यकारी अधिकारी- गुगल 

कोरोनाशी संबंधित विदेशातील घडामोडींसाठी येथे ► क्लिक करा

फेसबूकने दिला कर्मचाऱ्यांना बोनस 
कोरोनाच्या सुरवातीच्या काळात कर्मचाऱ्यांना वर्क फ्रॉम होम करण्याचा आदेश देणाऱ्या काही ठराविक कंपन्यांमध्ये फेसबुकचाही समावेश आहे. इतकंच नाही तर फेसबुकद्वारे आपल्या कर्मचाऱ्यांना घरून काम करताना लागणाऱ्या सुविधांसाठी व त्यांच्या मुलांच्या देखभालीसाठी सुमारे ७५ हजार रुपये ( एक हजार डॉलर) बोनसच्या स्वरूपात देण्यात आले होते.

पुण्याच्या बातम्या वाचण्यासाठी येथे ► क्लिक करा