"कोरोनापासून वाचण्यासाठी फक्त लसीकरण हाच उपाय"

covid-19 vaccine : देशात दररोज कोरोनाबाधित रुग्णांची संख्या वाढतच चालली आहे. आरोग्य सुविधांचा अभाव असल्यामुळे देशातील परिस्थिती अतिशय भयावह होत चालली आहे. पाच दिवसांपासून देशात चार लाखांपेक्षा जास्त नवीन रुग्ण आढळत आहेत. अमेरिका येथील जो बायडन यांच्या प्रशासनातील वरिष्ठ वैद्यकीय सल्लागार डॉ. अॅन्थनी फाऊची (anthony fauci) यांनी भारतातील कोरोना (covid-19) संकटावर उपाय सांगितला आहे. रविवारी प्रसार माध्यमांशी बोलताना फाऊची यांनी लसीकरण (vaccine) हा भारतातील कोरोना (covid-19) संकट टाळण्यासाठी एकमेव उपाय असल्याचं सांगितलं.

भारतात सध्या सुरु असलेल्या कोरोना (covid-19) संकटावर लसीकरण (vaccine) हा एकमेव दीर्घकालीन उपाय आहे. तसेच जगभरात कोरोना लसीचं उत्पादन वाढवायला हवं, असेही फाऊची (anthony fauci) म्हणाले. कोरोना महामारीला मुळापाशून संपवण्यासाठी सर्वांचं लसीकरण करणं हा एकमेव उपाय आहे. भारत जगातील सर्वात मोठा लस (vaccine) निर्मिती करणारा देश आहे. फक्त भारतातूनच नव्हे तर विदेशातूनही उत्पादनाला लागणारे घटक मिळत आहे. अन्य देशांनीही भारताला लस निर्मितीसाठी मदत करायला हवी, असे फाऊची म्हणाले.

एका प्रश्नाच्या उत्तरावर बोलताना फाऊची म्हणाले की, 'ज्या पद्धतीनं चीननं वर्षभरापूर्वी मोठमोठी रुग्णालये तयार केली. तशीच रुग्णालये भारतानेही करायला हवीत. रुग्णालयात बेड उपलब्ध नसल्यामुळे रुग्णांना तुम्ही रस्त्यावर नाही सोडू शकत.' पुढे बोलताना फाऊची (anthony fauci) म्हणाले की, भारतातील ऑक्सिजनची परिस्थितीही खूप भयावह आहे. लोकांना ऑक्सिजन न मिळणं खरेच दु:खद आहे.

कोरोना (covid-19) महामारीचा प्रादुर्भाव रोखण्यासाठी भारतामध्ये लॉकडाउनची (Lockdown) गरज असल्याचेही फाऊची म्हणाले. तसेच कडक लॉकडाउनच्या दरम्यान लसीकरणावर भर दिल्यास कोरोना रुग्णांची संख्या आटोक्यात येईल, असे फाऊची (anthony fauci) म्हणाले.