पॉर्न साईट्सचा मुद्दा कायमच चर्चेत आणि वादात असतो. ऑनलाईन पॉर्नबद्दल आता ख्रिश्चन धर्मगुरू पोप फ्रान्सिस यांनी काही महत्त्वाचे खुलासे केले आहेत. पादरी आणि नन हेही ऑनलाईन पॉर्न पाहतात, असंही त्यांनी सांगितलं आहे. फक्त चाईल्ड पॉर्न नव्हे तर आपण अडल्ट पॉर्नबद्दलही बोलत आहोत, असं पोप फ्रान्सिस म्हणाले आहे.
यावेळी त्यांनी पादरी आणि नन यांना आपल्या फोनमधून पॉर्न वेबसाईट्सच्या लिंक आणि अॅप डिलीट करण्याचं आवाहनही केलं आहे. वेटिकन सिटी इथं आयोजित एका कार्यक्रमात पोप फ्रान्सिस यांना सोशल मीडियाच्या वापरावरुन प्रश्न विचारण्यात आले. त्यावेळी त्यांना पॉर्नोग्राफीबद्दल विचारणा झाली असता ते म्हणाले, "मी तुम्हाला सांगू इच्छितो की, यामुळे आपली आत्मा दुर्बल होते. वाईट शक्ती तिथूनही येतात. त्या आपल्या मनालाही दुर्बल करतात."
पोप फ्रान्सिस पुढे म्हणाले, पादरी आणि नन यांना एखाद्या आजाराप्रमाणे पॉर्नोग्राफीची लागण झाली आहे. या माध्यमातून वाईट शक्ती आपल्या आयुष्यात प्रवेश करत आहेत." यासोबत त्यांनी मोबाईलचा प्रामाणिकपणे वापर करण्याचं आवाहन केलं आहे . तसंच आपल्या मोबाईलमधून पॉर्न व्हिडीओज, लिंक्स डिलीट करुन टाका, असं आवाहनही पोप फ्रान्सिस यांनी केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
