गेल्या काही दिवसांपासून सोन्या-चांदीचे दर कमी होताना दिसत होते. मात्र, आता इस्राइल-हमास युद्धामुळे हे दर पुन्हा वाढण्याची शक्यता वर्तवण्यात येत आहे. फिजिकल मार्केटमध्ये सोन्याची मागणी तुफान वाढली असून, त्यामुळे सोन्याचं प्रीमियम 700 रुपये प्रतितोळा वाढले आहेत.
सोन्याचं प्रीमियम हे पूर्वी 1,300 रुपये प्रतितोळा एवढं होतं, मात्र आता ते 2,000 रुपयांवर पोहोचलं आहे. यामुळे कित्येक डीलर्स सोनं विकण्यास नकार देत आहेत. दुसरीकडे, चांदीचं प्रीमियम हे प्रतिकिलो 1,000 रुपयांनी वाढून 3,500 रुपये प्रतिकिलो एवढं झालं आहे.
यामुळेच सोनं आणि चांदीच्या दरामध्ये वाढ होण्याची शक्यता वर्तवण्यात येत आहे. तज्ज्ञांच्या मते सोन्याचे दर आता पुन्हा एकदा रेकॉर्ड ब्रेक वाढण्याची शक्यता आहे. (Business News)
सराफा बाजारात सोनं हे 5 हजार अंकांनी कोसळलं आहे, तर चांदी तब्बल 13,000 अंकांनी कोसळली आहे. त्यामुळे कित्येक दुकानदार आणि गुंतवणुकदार हे सोनं विकत घेण्यावर लक्ष केंद्रित करत आहेत. तर सोन्याची मागणी पाहता सध्या सोनं न विकण्याचा निर्णय कित्येक डीलर्सने घेतला आहे.
भारतीय सराफा आणि ज्वेलर्स असोसिएशनच्या वेबसाईटवरील माहितीनुसार, आज सराफा बाजारात 24 कॅरेट सोन्याची किंमत 56,539 रुपये प्रतितोळा एवढी आहे. तर 22 कॅरेट सोन्याची किंमत 51,790 आणि 18 कॅरेट सोन्याची किंमत 42,404 रुपये प्रतितोळा एवढी आहे. चांदीची किंमत 67,095 रुपये प्रतिकिलो एवढी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
