कोलंबो : आर्थिक संकटांचा सामना करणाऱ्या श्रीलंकेतील परिस्थिती दिवसेंदिवस अधिक हिंसक होत चालली आहे. त्यात पंतप्रधान महिंद्रा राजपक्षे (Mahindra Rajpakshe) यांच्या राजीनाम्यानंतर श्रीलंकेत मोठ्या प्रमाणात हिंसाचार उसळला आहे. यामध्ये अनेक नागरिकांचा मृत्यू झाला आहे. अनेक ठिकाणी हिंसक झालेल्या आंदोलकांनी (Protest) नेत्यांची घरेदेखील पेटवून दिल्याच्या घटना समोर आल्या आहेत. दरम्यान, दिवसेंदिवस हिंसक होत चाललेल्या परिस्थितीनंतर श्रीलंकेत अडकलेल्या भारतीय नागरिकांसाठी हेल्पलाईन नंबर जारी केले आहेत. (Sri Lanka Crises News)
भारत सरकारकडून श्रीलंकेत अडकलेल्या भारतीयांच्या सुरक्षितेसाठी (Indians In Sri Lanka) श्रीलंकेची राजधानी कोलंबो येथील भारतीय दूतावासाचा हेल्पलाइन क्रमांक आणि मेल आयडी जारी केला आहे. भारताच्या सागरी सीमेवर असलेल्या श्रीलंकेत मोठ्या संख्येने दक्षिण भारतीय लोक राहतात मात्र, पंतप्रधानांच्या राजीनाम्यानंतर उसळलेल्या हिंसक घटनामुळे भारतातील अनेक कुटुंबियांनी श्रीलंकेत अडकलेल्या प्रियजनांबाबत काळजी व्यक्त करण्यास सुरू केली आहे.
श्रीलंकेतील भारतीयांसाठी हेल्पलाइन क्रमांक आणि ईमेल
श्रीलंकेत अडकलेल्या भारतीयांसाठी हेल्पलाइन क्रमांक भारत सरकारने जारी केले आहेत. तसेच तेथील परिस्थितीवर भारत सरकार बारकाईने लक्ष ठेवून आहे, असे परराष्ट्र मंत्रालयाकडून स्पष्ट करण्यात आले असून, श्रीलंकेत अडकलेल्या भारतीयांनी +94-773727832 या हेल्पलाइन क्रमांकावर आणि कोलंबोतील भारतीय दूतावासाच्या cons.colombo@mea.gov.in मेल आयडीवर संपर्क करावा असे आवाहन परराष्ट्र मंत्रालयाकडून करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
