नवी दिल्ली : भारतातील मुस्लिमांना भाजपकडून (BJP) टार्गेट केलं जात असल्याचा आरोप पाकिस्तानचे पंतप्रधान इम्रान खान (Imran Khan) यांनी केला आहे. अशा पद्धतीचा अजेंडा राबवणं हा प्रादेशिक शांततेसाठी धोका असल्याचंही त्यांनी म्हटलं आहे. डिसेंबरमध्ये उत्तराखंडमधील हरिद्वार येथे झालेल्या एका कार्यक्रमात मुस्लिमांविरुद्ध कथित प्रक्षोभक आणि प्रक्षोभक भाषणं झाली होती, या पार्श्वभूमीवर खान यांनी ट्विटरवरुन आरोप केले आहेत. (Indian Muslims are targeted by BJP Pakistan PM Imran Khan allegations)
भाजप सरकार भारतातील अल्पसंख्याकांच्या विशेषत: 200 दशलक्ष मुस्लिम समुदायाच्या नरसंहाराच्या आवाहनाला समर्थन देते का? असा सवालही खान यांनी आपल्या ट्विटर हँडलवरुन विचारला आहे. याची आंतरराष्ट्रीय समुदायाने दखल घेण्याची आणि कारवाई करण्याची हीच योग्य वेळ आहे, असंही ते पुढे म्हणाले.
दुसर्‍या ट्विटमध्ये, खान यांनी भाजपच्या नेतृत्वाखालील सरकारवर भारतातील अल्पसंख्याकांना लक्ष्य करण्याचा आरोप केला आणि याला अतिरेकी अजेंडा असं संबोधलं आहे. प्रादेशिक शांततेसाठी हे धोकायदायक असल्याचंही त्यांनी म्हटलं आहे. गेल्या महिन्यात, पाकिस्तानच्या परराष्ट्र कार्यालयाने भारताच्या प्रभारींना समन्स बजावलं होतं आणि हरिद्वार कॉन्क्लेव्हमध्ये केलेल्या कथित द्वेषयुक्त भाषणांबद्दल चिंता व्यक्त केली होती.
हरिद्वार येथे १७ ते २० डिसेंबरदरम्यान जुन्या आखाड्याचे यती नरसिंहानंद गिरी यांनी धर्म संसदेचं आयोजन केलं होतं. गिरी यांची आधीच द्वेषयुक्त भाषणं आणि मुस्लिमांविरुद्ध हिंसाचार भडकावल्याबद्दल पोलिसांकडून चौकशी सुरु आहे. धर्म संसदेतही अनेक वक्त्यांनी प्रक्षोभक भाषणं केली होती तसेच अल्पसंख्याक समुदायातील लोकांना मारण्याचं आवाहन केलं होतं. या प्रकरणी १५ लोकांविरुद्ध दोन गुन्हे दाखल करण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
