Israel-Hamas Conflict: इस्राइलमधील सर्व भारतीय सुरक्षित; भारतीय दूतावासांनी दिली महत्त्वाची माहिती

Israel-Hamas Conflict: इस्रायलमध्ये राहणारे 18 हजारांहून अधिक भारतीय सुरक्षित असल्याची अतिशय महत्वाची बातमी समोर आली आहे. यामुळे भारतीय नागरिक दिलासा व्यक्त करत असून इस्राईलमधील सर्वच भारतीय दूतावासाच्या संपर्कात असल्याचेही समजत आहे.

अधिक माहिती अशी कि, सुमारे 85 हजार भारतीय वंशाचे ज्यू इस्राईलमध्ये राहतात. सुमारे 900 विद्यार्थी आहेत या क्षणाला इस्राईलमध्ये आहेत.याचबरोबर आयटी व्यावसायिकांची संख्याही मोठ्याप्रमावर आहे. भारतीय दूतावासाने इस्राईलमधील सर्व भारतीयांना सतर्क राहण्याचे आवाहन केले आहे.

तर दुसरीकडे शनिवार ते सोमवारपर्यंत गाझा पट्टीतील हमास आणि इस्लामिक जिहादच्या ५०० हून अधिक ठिकाण्यांवर इस्राईलने हल्ले केले आहेत. रविवारी रात्री 70 दहशतवाद्यांचा खात्मा झाला.

याच बरोबर आता पर्यंत गाझामध्ये किमान 700 इस्रायली मारले गेले आहेत. अनेकांचे अपहरण करण्यात आल्याचे अहवालात म्हटले आहे. आत्तापर्यंत इस्त्रायली पक्षात मिळून 260 मृतदेह सापडले आहेत.तर दुसरीकडे 400 हून अधिक पॅलेस्टिनी ठार झाले आहेत.