टांझानियाच्या भाऊ-बहिणीची लता दीदींना आदरांजली

गानकोकीळा लता मंगेशकर यांच्या निधनाने अनेकांना चटका बसला आहे. त्यांच्या गाण्याचे देश-विदेशात चाहते आहेत. त्यामुळे जगभरातल्या अनेक लोकांनी लता मंगेशकर (Lata Mangeshkar) यांना आदरांजली वाहिली आहे. यात टांझानियाचे (Tanzania)भाऊ बहिणही मागे नाहीत.

गेल्या अनेक दिवसांपासून बॉलिवूड गाण्यांवर व्हिडीओ बनवून चर्चेत आलेला टांझानियाचा किली पॉल (Kili Paul) आणि त्याची बहीण नीमा पॉल यानेही लता मंगेशकर यांना आदरांजली वाहिली आहे. त्यांनी बुधवारी इंस्टाग्रामवर एक व्हिडिओ शेअर केला. यात त्यांनी गानकोकीळा लता मंगेशकर यांच्या 'जाने क्या बात है' या गाण्यावर लिप सिंक केले आहे. हा व्हिडिओ व्हायरल (Video Viral) झाला असून त्याला ७ लाखांपेक्षा जास्त व्ह्यूज मिळाले आहेत.

R.I.P to @lata_mangeshkar त्यांचा आवाज खूप शांत आणि अद्भुत होता. त्या नेहमी आमच्या आपल्या हृदयात राहील. Sleep well LATA (sic) असे त्यांनी व्हिडिओला कॅप्शन दिले आहे. किली पॉलला लहानपणापासूनच बॉलिवूड गाणी आवडतात. हिंदी गाण्यांची आवड असल्याने तो गाणी बघतो आणि यावर रील्स बनवतो. यावेळी त्याने स्टाग्राम अकाऊंटवर शेअर केलेले लिंप सिंक केलेले गाणे हे अमृता सिंगवर चित्रित केले आहे. त्यांनी अशा प्रकारे लता मंगेशकरांना आदरांजली वाहिल्याने नेटकऱ्यांनी त्याचे कौतुक केले आहे.