मुक्या जनावरांना मदत करायला पाहिजे, एखादा संकटात असेल तर त्याला आपण मदत करायला पाहिजे, किंवा प्राणी कधीच केलेले उपकार विसरत नाहीत असे अनेक डायलॉग आपण ऐकले असतील. पण हे सर्वच प्राण्यांना लागू होत नाही. कधीतरी एखाद्या प्राण्याचा मूळ गुण समोर येतो आणि त्याचे परिणाम आपल्याला भोगावे लागतात.
सध्या अशीच एक घटना समोर आली असून पाळलेल्या वाघाने मालकावर हल्ला केला आणि त्यालाच आपलं भक्ष्य बनवल्याची घटना घडली आहे. ही घटना युरोपातील स्लोवाकिया येथील ओस्करडा येथे घडली असून जोसेफ बी असं मृत्यू झालेल्या व्यक्तीचे नाव आहे. त्याने आपल्या घरी खासगी प्राणीसंग्रहालय तयार केलं होतं.
अधिक माहितीनुसार, जोसेफ याने आपल्या घरी वाघाला पाळलं होतं. त्याच्याकडे त्यासाठी लागणारी परवानगी होती. पण मागच्या काही दिवसांत त्याने या प्राण्यांना व्यवस्थित खायला प्यायला दिले नाही. त्यामुळे हे प्राणी त्याच्यावर डोळा ठेवून होते. त्यानंतर तो पिंजऱ्यात वाघांना खायला देण्यासाठी गेला असता त्यांनी जोसेफवर हल्ला केला असं सांगण्यात येत आहे.
दरम्यान, १६ मे रोजी जोसेफचं निधन झालं असून त्याच्यावर पाळलेल्या जंगली प्राण्याने हल्ला केला आणि त्याला संपूर्णपणे खाऊन टाकल्याची माहिती आहे. शेजाऱ्यांना त्याची घरातील हालचाल न जाणवल्याने त्यांना संशय आला आणि तपासणी केली असता तो कुठेच दिसला नाही.
त्यानंतर त्याच्या प्राणीसंग्रहालयात त्याच्या शरीराचे दोन हाड दिसले. या हाडाची तपासणी केली असता ते जोसेफ या व्यक्तीचेच हाडे असल्याचं समोर आलं. प्राण्यांना मांस खाऊ घालायला गेल्यानंतर त्यालाच प्राण्यांनी मारून खाल्ल्याचा अंदाज पोलिसांनी लावला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
