Elon Musk : ट्वीटर खरेदीमुळे चर्चेत आलेले जगातील सर्वात श्रीमंत व्यक्ती इलॉन मस्क यांनी मंगळवारी ट्विट करत एका नव्या खरेदीचे संकेत दिले आहे. यामध्ये त्यांनी आपण इंग्लिश फुटबॉल क्लब मँचेस्टर युनायटेड पीएलसी विकत घेणार असल्याचे संकेत दिले आहेत. मात्र, याबाबत त्यांनी कोणताही तपशील दिलेला नाही. त्यांच्या या ट्वीटनंतर अनेक चर्चांना उधाण आले असून, ट्विटरवर, टेस्लाचे प्रमुख खरोखरच हा फुटबॉल क्लब विकत घेणार का? याबद्दल प्रत्येकजण व्यक्त होऊ लागला आहे.
मस्क यांनी केलेल्या ट्वीटमध्ये ते म्हणतात की, हे अगदी स्पष्ट आहे की, मी अर्ध्या रिपब्लिकन पक्षाला आणि अर्ध्या डेमोक्रॅटिक पक्षाला पाठिंबा देतो. या ट्विटनंतर त्यांनी आणखी एक पोस्ट केली आहे, ज्यामध्ये लिहिले की, मी मँचेस्टर युनायटेड खरेदी करत आहे, तुमचे स्वागत आहे. मस्कच्या या ट्विटवर यूजर्सनी अनेक प्रश्न उपस्थित केले आहेत.
डीलबाबत किती गंभीर?
एलोन मस्क अनेकदा असे ट्विट करतात, ज्यामुळे ते नेहमीच चर्चेचा विषय बनतात. आता त्यांनी ट्विटरवर मँचेस्टर युनायटेडला विकत घेण्याची घोषणा केली आहे, परंतु यावेळी ते या खरेदीसाठी किती गंभीर आहेत याबाबत शंका उपस्थित केली जात आहे.
ट्विटरसोबतचा करार संपुष्टात
इलॉन मस्कने अलीकडेच सोशल मीडिया साइट ट्विटरशीदेखील खेरदी करार तोडला आहे. याआधी त्यांनी ट्विटरसोबत मोठी डील केली होती. मात्र, नंतर ते या करारातून बाहेर पडले. याबाबत ट्विटरने मस्कविरोधात खटलाही दाखल केला आहे. अब्जाधीश मस्क या करारातून बाहेर पडण्यासाठी स्पॅम अकाउंटचा मुद्दा समोर करत असल्याचे ट्विटरने म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
