सबस्क्राईब करा
युक्रेनने बुधवारी रशियाच्या एका सैन्यस्थळावर मोठा हल्ला केला. युक्रेनमध्येच असणाऱ्या माकिव्हका या शहरावर रशियाने ताबा घेतला होता. याठिकाणी रशियाने आपले मिलिटरी बेस तयार केले होते. या बेसवर युक्रेनच्या सैन्याने क्षेपणास्त्र हल्ला केला. (Russia Ukraine War)
या हल्ल्यामुळे भीषण स्फोट झाले. सुमारे दोन मिनिटांपर्यंत हे स्फोट सुरू होते. यामध्ये रशियाच्या सैन्यस्थळावर असणारा तेलसाठा आणि हत्यारे नष्ट झाली आहेत. मिळालेल्या माहितीनुसार, युक्रेनने यासाठी अमेरिकेकडून घेतलेल्या HIMRAS या क्षेपणास्त्रांचा वापर केला आहे.
पहिल्या क्षेपणास्त्र हल्ल्यामध्ये हत्यारांचा साठा असलेल्या इमारतीत स्फोट झाला. यानंतर काही क्षणांतच ऑईल ठेवलेल्या इमारतीत स्फोट झाला. यानंतर हवेत मशरूमच्या आकाराचा धुराचा लोट दिसून येत होता. या स्फोटांचे हादरे कित्येक किलोमीटरपर्यंत जाणवले. (Ukraine attacks)
या स्फोटांनंतर आजूबाजूच्या परिसरातील वीज पुरवठा खंडित झाला होता. यानंतर सैन्य स्थळावर कित्येक वेळ छोटे-छोटे स्फोट होत राहिले.
रशियाचं प्रत्युत्तर
यानंतर रशियानेही या हल्ल्याला प्रत्युत्तर देत युक्रेनच्या पश्चिमेला असलेल्या एका शहरावर (City of Lviv) हल्ला केला. या हल्ल्यामध्ये सुमारे सात नागरिकांचा मृत्यू झाल्याचे वृत्त गार्डियनने दिलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
