मेक्सिकोची राजधानी मेक्सिको सिटीजवळ एक भीषण अपघात झाला आहे. योसोंडुआकडे जाणारी एक बस दरीत कोसळून २७ जण ठार झाले. या दुर्घटनेत २१ जण गंभीर जखमी झाले. मृतांमध्ये एका लहान बाळाचाही समावेश होता, अशी माहिती स्थानिक माध्यमांनी दिली. गुरुवारी सकाळी ६.३० च्या दरम्यान (स्थानिक वेळेनुसार) हा अपघात झाला.
मिळालेल्या माहितीनुसार, नियंत्रण सुटल्यामुळे ही बस थेट २५ मीटर खोल दरीमध्ये कोसळली. यावेळी आजूबाजूच्या गावातील लोकांनी घटनास्थळी मदतीसाठी धाव घेतली. आरोग्य कर्मचाऱ्यांची कमतरता असल्यामुळे शेजारील गावातील सर्व स्थानिक डॉक्टरांना मदतीसाठी बोलवण्यात आलं होतं.
एका स्थानिक वृत्तपत्राने दिलेल्या माहितीनुसार, अपघातावेळी २५ जणांचा जागीच मृत्यू झाला होता. तर, गंभीर जखमींपैकी दोघांचा उपचारांदरम्यान मृत्यू झाला. मृतांमध्ये १३ पुरुष, १३ महिला आणि एका लहान बाळाचा समावेश आहे.
ओआक्साका शहराचे महापौर सालोमॉन जारा यांनी या दुर्घटनेवर शोक व्यक्त केला. तर, ओआक्साचे अंतर्गत सेक्रेटरी जेसस रोमेरो यांनी दिलेल्या माहितीनुसार, चालक अकुशल आणि थकलेला असल्यामुळे हा अपघात घडल्याची शक्यता व्यक्त करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
