ब्राझील, अमेरिका, भारतात एकाच दिवशी सर्वाधिक रुग्ण 

जीनिव्हा -  ब्राझील, अमेरिका आणि भारतात रविवारी एकाच दिवशी कोरोनाच्या सर्वाधिक रुग्णांची नोंद झाल्याची माहिती जागतिक आरोग्य संघटनेच्या अहवालातून देण्यात आली आहे. तिन्ही देशांत मिळून एकूण 1 लाख 83 हजार रुग्ण सापडले आहेत. कोरोनाच्या
 संक्रमणाचे प्रमाण वाढल्याने हा आकडा वाढत असल्याचे तज्ज्ञांनी म्हटले आहे. 

आरोग्य संघटनेने प्रसिद्ध केलेल्या अहवालात म्हटले आहे की, रविवारी एकाच दिवशी ब्राझीलमध्ये सर्वाधिक 54 हजार रुग्ण सापडले. त्यानंतर अमेरिकेत 36 हजार आणि भारतात 15 हजार रुग्णांची नोंद झाली आहे. चोवीस तासांत जगभरात एकूण 1 लाख 83 हजार रुग्णांची भर पडली आहे. त्यात 4 हजार 743 रुग्णांचा मृत्यू झाला आहे. यातील दोन तृतीयांश मृत्यू हे एकट्या अमेरिकेतील आहे. 

ताज्या बातम्यांसाठी डाऊनलोड करा ई-सकाळचे ऍप 

तीन महिन्यांनंतर स्पेनमधील लॉकडाउन उठविण्यात आले आहे. मात्र, क्वारंटाइन प्रक्रिया आजही राबविली जात आहे. पंतप्रधान पेद्रो स्नेचेझ यांनी नागरिकांना खबरदारी घेण्याचे आवाहन केले आहे. कोरोना विषाणूची लाट पुन्हा येऊ शकते. त्याचा मोठा फटका बसू शकतो, असे त्यांनी सांगितले आहे. 

ब्राझीलच्या आरोग्य मंत्रालयाने म्हटले आहे की रविवारी एकाच दिवशी 50 हजारांनी नवीन रुग्णांची संख्या वाढली आहे. 

पुण्याच्या बातम्या वाचण्यासाठी येथे  क्लिक करा