विचित्र घटना! निरोगी मुलीवर केली शस्त्रक्रिया आणि...

आई-वडिलांचं छत्र हरपलेल्या अनाथ मुलांना दत्तक घेण्याचं प्रमाण गेल्या काही वर्षांमध्ये वाढलं आहे. मात्र, अनेकदा मुलांना दत्तक घेतल्यावर त्यांच्यावर अत्याचार झाल्याच्या घटनाही ऐकिवात आहेत. सध्या सोशल मीडियावर अशाच एका घटनेची चर्चा रंगली आहे. दत्तक घेतलेली मुलगी निरोगी असतांनादेखील एका महिलेने तब्बल ५०० वेळा या मुलीला डॉक्टरांना दाखवलं आहे. तसंच तिच्यावर काही शस्त्रक्रियादेखील (surgery) केल्या आहे. त्यामुळे या महिलेला मेडिकल चाईल्ड अब्युज अंतर्गत दोषी ठरवण्यात आल्याचं 'डेली मेल'च्या वृत्तात म्हटलं आहे. (mother-accused-of-faking-her-6-year-old-daughters-illness-forced-her-to-undergo-surgery)

वॉशिंग्टन येथे राहणाऱ्या हार्टमॅन या महिलेने आफ्रिकेतील झांबिया येथून दोन वर्षांच्या एका मुलीला दत्तक घेतलं होतं. मात्र, या मुलीला हेमिप्लेगिया हा दुर्मिळ न्युरोलॉजिकल आजार असल्याचं म्हणत हार्टमॅन यांनी वारंवार या मुलीला डॉक्टरांना दाखवलं. जवळपास ५०० पेक्षा जास्त वेळा या मुलीला डॉक्टरांना दाखवण्यात आलं असून तिच्यावर शस्त्रक्रियाही करण्यात आली आहे. इतकंच नाही तर सहा वर्षांच्या या लहान मुलीला हार्टमॅन यांनी फीडिंग ट्यूब लावून व्हील चेअरवरही ठेवलं आहे.

दरम्यान, डॉक्टरांच्या म्हणण्यानुसार, या मुलीला कोणताही आजार नसून ती निरोगी आहे. मात्र, तरीदेखील हार्टमॅन तिला आजारी असल्याचं सांगत तिच्या वेगवेगळ्या टेस्ट करत असतात. विशेष म्हणजे हार्टमॅन यांनी डॉक्टरांच्या सल्ल्याशिवाय या मुलीची शस्त्रक्रियादेखील केली आहे. त्यामुळे मेडिकल चाईल्ड अब्युज अंतर्गत या महिलेला दोषी ठेवण्यात आलं आहे.