मॉस्को- उत्तर अटलांटिक ट्रिटी ऑर्गनायझेशन म्हणजे नाटोने युक्रेनच्या बाजूने उभे राहण्याचे वक्तव्य केल्याने रशियाचे अध्यक्ष व्लादिमीर पुतिन हे भडकले आहेत. त्यांनी पुन्हा एकदा अणुबॉम्बची धमकी दिली आहे. पुतिन स्पष्ट म्हणालेत की, आम्हाला युक्रेनविरोधात युद्ध जिंकण्यासाठी अणुबॉम्बचा वापर करण्याची आवश्यकता नाही, पण नाटो असं असा विचार करत असेल की मॉस्को असं कधी करणार नाही तर ही त्यांची चुकीची धारणा आहे.
युक्रेनला सैन्य मदत केली जात असेल तर नाटोशी रशियाचा संघर्ष होऊ शकतो. आणि युद्धाचे स्वरूप अणुबॉम्बच्या हल्ल्यात होऊ शकते. काही दिवसांपूर्वीच मॉस्कोने आपला मित्र बेलारूससोबत मिळून अणु हल्ल्याचा सामरिक अभ्यास केला आहे. येत्या काही दिवसात नाटो युक्रेनमध्ये सैन्य तैनाती आणि रशियाच्या भूमित छोट्या हल्ल्यांना परवानगी देऊ शकते. याच पार्श्वभूमीवर रशियाने बेलारूससोबत युद्ध अभ्यास केला असल्याचं सांगितलं जातं.
पुतिन यांनी २४ फेब्रुवारी २०२२ मध्ये युक्रेनवर हल्ला केला होता. म्हणजे युद्ध सुरु होऊन आता दोन वर्षांपेक्षा जास्त कालावधी उलटला आहे. युक्रेनला साथ देण्यासाठी अमेरिका आणि युरोपच्या अनेक देशांनी पुढाकार घेतला आहे. येत्या काळात या देशांकडून युक्रेनला होणारी मदत वाढू शकते. अशा परिस्थितीत पुतिन हे अणुहल्ल्याची भाषा करत आहेत. तुम्ही कोणासोबत खेळत आहात याचा तुम्हाला अंदाज असायला हवा असं स्पष्ट वक्तव्य पुतिन यांनी केलं आहे.
सातत्याने तणाव निर्माण केला जात आहे. पण, याचे गंभीर परिणाम होऊ शकतात. आम्ही सगळ्या पद्धतीच्या युद्धासाठी तयार आहोत. आम्ही काही पाऊल उचललं तर अमेरिका काय निर्णय घेणार? अमेरिकेला जागतिक संघर्ष हवा आहे का? असा सवाल पुतिन यांनी केला आहे. दरम्यान, नाटो ही अमेरिका आणि युरोपमधील काही देशांची मिळून स्थापन केलेली युद्ध संघटना आहे. याचा अर्थ नाटोमधील एकाही देशावर हल्ला झाला तर तो नाटोवरील हल्ला मानला जाईल. नाटोतील देश याला एकत्रितपणे उत्तर देतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
