S-400 मिसाईल करारात भारताला कोणतेही अडथळे येणार नाही; रशियन राजदुतांचा विश्वास

भारतातील रशियन राजदूत डेनिस अलीपोव (Denis Alipov) यांनी मंगळवारी खारखीव येथे येथे भारतीय विद्यार्थ्याच्या मृत्युबद्दल शोक व्यक्त केला. याबाबत चौकशी केली जाईल असे ते म्हणाले. सोबतच या युद्धाच्या काळात सर्व भारतीयांच्या सुरक्षेची हमी त्यांनी दिली. या युक्रेन-रशिया युद्धावर भारताने घेतलेल्या संतुलित भुमिकेवरही त्यांनी भाष्य केले. भारतासोबतच्या S-400 हवाई संरक्षण मिसाईल सिस्टीमच्या करारात कोणतेही अडथळे येणार नाही, असे ते म्हणाले.

"यूएनच्या बैठकीत भारताने दाखवलेल्या संतुलित भूमिकेबद्दल आम्ही भारताचे आभारी आहोत. भारताला या संकटाचे गांभीर्य समजले आहेत. भारताला S-400 पुरवठा करण्याबाबत कोणताही अडथळा येणार नाही.असे रशियन राजदूत डेनिस अलीपोव म्हणाले.

ऑक्टोबर 2018 मध्ये, भारताने S-400 हवाई संरक्षण मिसाईल सिस्टीमच्या पाच युनिट्स खरेदी करण्यासाठी रशियाशी करार केला होता. हा करार भारताच्या सुरक्षेसाठी महत्त्वाचा मानला जातो.