नवी दिल्ली : देशात सध्या कोरोनाचं संकट आ वासून उभं आहे. कोरोनाच्या विळख्यात देशातील अनेक लोकांना आपले प्राण गमवावे लागत आहेत. कोरोनाच्या दुसऱ्या लाटेने मोठं संकट उभं केलं असून सध्याची परिस्थिती चिंताजनक बनली आहे. देशात दिवसाला जवळपास तीन लाखांच्या वर रुग्ण सापडत आहेत. भारतातील या परिस्थितीबाबत संपूर्ण जगभरातून चिंता व्यक्त करण्यात येत आहे. त्याचबरोबर आता पाकिस्तानमधून देखील चिंता आणि काळजी व्यक्त केली जात आहे.
पाकिस्तानचे पंतप्रधान इम्रान खान यांनी आता भारताबद्दल सहानुभूती व्यक्त केली आहे. तसेच मी भारतीय नागरिकांसोबत असल्याचं देखील त्यांनी ट्विट केलंय. त्यांनी म्हटलंय की, मी भारतीय नागरिकांसोबत आहे. भारत सध्या कोरोनाच्या दुसऱ्या भयावह लाटेशी लढा देत आहे. आमच्या शेजारच्या देशात तसेच जगामध्ये या महासाथीदरम्यान विषाणूशी झुंज देणारे सगळेच लवकरात लवकर बरे होवोत, अशी प्रार्थना करतो. मानवतेला आव्हान देणारे हे जागतिक संकट आपण सगळ्यांनी एकत्र येऊन परतवून लावायलाच हवे.
#PakistanWithIndia हॅश्टॅग ट्रेंड
यासंदर्भात पाकिस्तानातील नागरिकांनीही भारताविषयी काळजी व्यक्त केली आहे. या संकटाच्या समयी पाकिस्तानने भारताला मदत करावी, अशी मागणी पाकिस्तानी नागरिकांकडून करण्यात येत आहे. #IndianLivesMatter #IndiaNeedOxygen #PakistanWithIndia असे हॅश्टॅग ट्रेड करत आहेत. या दरम्यानच पाकिस्तानचे समाजवेक अब्दुल सत्तार इदी यांचा मुलगा फैजल इदीने भारताचे पंतप्रधान नरेंद्र मोदी यांना पत्र लिहलं आहे. त्यांनी भारतातील वाढत्या कोरोना संक्रमणाबाबत चिंता व्यक्त केली आहे तसेच मदत करण्याची इच्छा व्यक्त केली आहे. फैजल यांनी आपल्या पत्रात लिहलंय की, हम इदी फाउंडेशनमध्ये भारतातील कोरोनाचा हाहाकार पाहत आहोत. मोठ्या संख्येने लोक कोरोनाच्या विळख्यात अडकत असल्याचं पाहून आम्ही चिंतीत आहोत. त्यांनी पुढे याबाबत संवेदना व्यक्त करत सोबतच 50 ऍब्युलन्स देण्याची इच्छा व्यक्त केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
