भारताचे क्षेपणास्त्र पाकिस्तानच्या पंजाब प्रांतात चुकून पडले होते. त्याला संरक्षण मंत्रालयाने देखील दुजोरा दिला होता. त्यानंतर आता पाकिस्तानचे पंतप्रधान इम्रान खान (Pakistan PM Imran Khan) यांनी पहिली प्रतिक्रिया दिली आहे. पाकिस्तानात भारतीय क्षेपणास्त्र पडल्यानंतर पाकिस्तान (Pakistan) भारताला (Indian) प्रत्युत्तर देऊ शकला असता. पण, आम्ही संयम दाखवला, असे इम्रान खान म्हणाले.
गेल्या ९ मार्चला भारतीय सुपरसॉनिक क्षेपणास्त्र पाकिस्तानच्या हद्दीत आले होते. क्षेपणास्त्र लाहोरपासून २७५ किमी अंतरावर असलेल्या मियां चन्नूजवळील शीतगृहावर आदळण्यापूर्वी अनेक विमान कंपन्यांना मोठा धोका निर्माण झाला होता. मात्र, क्षेपणास्त्र पडल्यामुळे पाकिस्तानमध्ये कोणतीही जीवित वा वित्तहानी झालेली नाही. मियाँ चन्नूमध्ये भारतीय क्षेपणास्त्र पडल्यानंतर आम्हीही प्रत्युत्तर देऊ शकलो असतो, पण आम्ही संयम दाखवला, असे इम्रान खान म्हणाले. पंतप्रधान इम्रान खान यांच्यावर विरोधकांनी अविश्वास ठराव आणला आहे. त्यानिमित्त झालेल्या एका सभेत त्यांनी ही माहिती दिली. आपल्याला आपले सैन्य आणि देश अधिक मजबूत करायचा आहे, असंही इम्रान खान यावेळी म्हणाले.
तांत्रिक बिघाडामुळे चुकून क्षेपणास्त्र पडल्याचं स्पष्टीकरण भारतानं दिलं होतं. तसेच आम्ही चौकशी करू, असंही भारताकडून सांगण्यात आलं. पण, त्याबाबत आम्ही समाधानी नाही, असं पाकिस्तानचे परराष्ट्र मंत्रालयानं स्पष्ट केलंय. तसेच भारताने याची चौकशी करण्याची मागणी पाकिस्तानने केली आहे. तसा प्रस्ताव नवी दिल्लीला पाठवण्यात आला आहे, असंही पाकिस्तानी परराष्ट्र कार्यालयाने स्पष्ट केले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
