इस्लामाबाद, ता. ४ (पीटीआय): सिनेटच्या निवडणुकीत पराभव झाल्याने पंतप्रधान इम्रान खान यांची खुर्ची जाण्याची जोरात चर्चा सुरू आहे. यादरम्यान, देशाला उद्देशून केलेल्या भाषणातून पंतप्रधान इम्रान खान यांनी पराभव मान्य केल्याचे दिसून येते. इम्रान खान यांना शनिवारी (ता. ६) विश्‍वासदर्शक ठरावाला सामोरे जावे लागणार आहे.
हेही वाचा - 'खिसियानी बिल्ली खंबा नोचे'; राहुल गांधींचा ‘म्हणी’तून भाजपवर निशाणा!
इम्रान खान यांनी आपल्या भाषणात आपले १५-१६ खासदार विकले गेले असल्याचे म्हटले आहे. विरोधी पक्षांचा उल्लेख त्यांनी ‘चोर’ असा केला असून आपल्याला ब्लॅकमेल केले जात असल्याचे ते म्हणाले. अविश्‍वास ठराव आणून माझ्याकडून काम करून घेण्यासाठी विरोधकांकडून दबाव आणण्याचा विचार होत आहे. कारण त्यांना वाटते की माझे खुर्चीवर प्रेम आहे आणि म्हणून त्यांचे प्रकरणे निकाली काढेल, असे त्यांना वाटत होते. पण आपणच स्वत: विश्‍वासदर्शक ठरावाला सामोरे जात आहोत. आपण खासदारांकडून मत मागू. पक्षातील खासदारांना देखील हे सांगू इच्छितो की, जर आपण माझ्याबरोबर नसाल तर तुम्ही हक्काने सभागृहात उभे राहून बेधडक बोला. मला काहीच वाटणार नाही, आपण विरोधी बाकावर बसू.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.