नवी दिल्ली : नेपाळची राजधानी काठमांडू इथं मोठा विमान अपघात झाल्याचं वृत्त आहे. त्यानुसार १९ प्रवाशांना घेऊन जाणारं विमान उड्डाणादरम्यान रनवेवरुन घसरलं. यांपैकी १५ जणांचा मृत्यू झाला आहे. नेपाळ पोलिसांनी याबाबत माहिती दिली आहे. त्रिभुवन आंतरराष्ट्रीय विमानतळावर ही दुर्घटना घडली.
शौर्य एअरलाईन्सचं हे विमान होतं, विमान रनवेवरुन घसरल्यानं त्यानं पेट घेतला. यामध्ये विमान जळून खाक झालं आहे. त्याचे अवशेष गोळ्या करण्याचं काम आता बचाव पथक करत आहे. तसंच आत्तापर्यंत १९ पैकी १५ प्रवाशांचे मृतदेह बाहेर काढण्यात आले आहेत.
इथल्या पहाडी भागातील विमानतळावरील धावपट्टीवरुन जात असताना नियंत्रण गमावल्यानं ते बाजुला एका दरी सदृश्य मोठ्या खड्ड्यात जाऊन कोसळलं. अपघातानंतर विमानतळ परिसरात मोठ्या प्रमाणावर प्रवाशांची गर्दी झाली होती. तसेच बचाव पथकांनी तातडीनं आपलं काम सुरु केलं. घटनास्थळी मदतकार्य सुरू करण्यात आलं आहे. त्रिभुवन इथून हे विमान पोखरला जात होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
