देशाचे पंतप्रधान नरेंद्र मोदी कायमच कोणत्या ना कोणत्या गोष्टींमुळे चर्चेत असतात. कधी त्यांच्या पगडीची चर्चा होते, कधी त्यांच्या शालीची तर कधी त्यांच्या जॅकेटची. यावेळीही नरेंद्र मोदी चर्चेत येण्याचं कारण म्हणजे G7 शिखर परिषदेत त्यांनी परिधान केलेले जॅकेट.
पंतप्रधान नरेंद्र मोदी यांनी G7 शिखर परिषदेत पुनर्वापर केलेल्या साहित्यापासून बनवलेले विशेष जॅकेट परिधान केले होते. त्यामुळे त्यांचे हे जॅकेट चर्चेचा विषय बनले आहे. आज जगाला ज्याची गरज आहे ते आचरणात आणण्याचा संदेश पंतप्रधानांनी यावेळी दिला आहे. पंतप्रधान मोदींनीही आपल्या परदेश दौऱ्यांमध्ये भारतीय संस्कृतीचा प्रसार करण्यावर मोठा भर दिला आहे.
जपानमधील हिरोशिमा येथे राष्ट्रपिता महात्मा गांधी यांच्या पुतळ्याचे अनावरण पंतप्रधानांनी केले, जे भारतीय शांतता आणि अहिंसेचे मूल्य सांगतात. पंतप्रधानांनी भारतीय संस्कृतीशी निगडीत भाषाशास्त्रज्ञ आणि कलाकार यांचीही यावेळी भेट घेतली आणि त्यांना प्रोत्साहन दिलं.
दरम्यान 8 फेब्रुवारी 2023 रोजी पंतप्रधान नरेंद्र मोदी फिकट निळे जॅकेट परिधान करून लोकसभेत पोहोचले होते. हे जॅकेट प्लास्टिकच्या बाटल्यांचे पुनर्वापर करून बनवले होते. त्यानंतरही बरीच चर्चा झाली. इंडियन ऑइल कॉर्पोरेशनने हे जॅकेट बेंगळुरू येथील इंडिया एनर्जी वीकमध्ये पंतप्रधानांना दिले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
