काबूल : अमेरिकेचे सैन्य अफगाणिस्तानमधून मायदेशी परतू लागल्यानंतर तेथे तालिबान ही दहशतवादी संघटना पुन्हा सक्रीय झाली असून देशात पुन्हा त्यांचे कायदे आणण्याचा प्रयत्न होत आहे. या संघटनेच्या नियंत्रणाखालील देशाच्या पूर्वोत्तर तखार या प्रांतात महिलांना एकट्याने बाहेर पडण्यास मज्जाव केला आहे तर पुरषांना दाढी राखणे अनिवार्य केले आहे.
पाकिस्तानच्या ‘द न्यूज’ या दैनिकाने मानवाधिकार कार्यकर्त्यांचा हवाला देत सांगितले आहे की, तालिबानने मुलींसाठी हुंडा देण्याचा नियम केला आहे. तखारमध्ये राहणारे सामाजिक कार्यकर्ता मेराजुद्दिन शरीफ म्हणाले की, पुरुषांविना घराबाहेर न पडण्याचे निर्देश तालिबानने महिलांना दिले आहे. तखार प्रादेशिक परिषदेच्या म्हणण्यानुसार अफगाणिस्तानमधील ज्या भागांवर तालिबानने ताबा घेतला आहे तेथे अन्नपदार्थांच्या किमतीत मोठी वाढ झाली आहे. तेथे राहणे अवघड झाले असून रुग्णालये व शाळा बंद आहेत. सरकारी इमारती नष्ट करण्यास तालिबान्यांनी सुरुवात केली आहे, असे येथील गव्‍हर्नर अब्दुल्ला कारलुक यांनी सांगितले. तालिबानने मात्र या सर्व गोष्टी फेटाळून लावल्या आहेत. हा तालिबान्यांविरोधात दुष्प्रचार असल्याचा दावा त्यांनी केला आहे.
अफगाणिस्तानमधील बगराम हवाई तळ अमेरिकी सैन्याने सोडला आहे. गेल्या २० वर्षांपासून या तळावर अमेरिकेचे सैनिक तैनात होते. अफगाणिस्तानमधील युद्धात तालिबान आणि अल-काईदाविरोधात कारवायांचे हे प्रमुख स्थान होते. अफगाण राष्ट्रीय सुरक्षा आणि सैन्‍यदलाकडे ‘बगराम’चा ताबा सोपविला आहे, असे अमेरिकेच्या दोन अधिकाऱ्यांनी नाव उघड न करण्याच्या अटीवर सांगितले. अमेरिकेचे अफगाणिस्तानमधील प्रमुख सैन्य अधिकारी जनरल ऑस्टीन एस. मिलर यांच्याकडे अजूनही सर्व अधिकार आणि सैन्यादलाचे संरक्षण करण्याची क्षमता आहे, असेही एका अधिकाऱ्याने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
