शिक्षकाचा हुकुमशाही फरमान! हिजाब नीट न घालणाऱ्या १४ विद्यार्थिंनींचे केले मुंडन

Indonesia Hijab Case: इंडोनेशियातील एका शाळेत 14 विद्यार्थिनींनी हिजाब नीट घातला नसल्यामुळे त्यांचे टक्कल करण्यात आले. चुकीच्या पद्धतीने हिजाब घातल्याबद्दल शिक्षा म्हणून शाळेच्या व्यवस्थापनाने त्यांचे टक्कल करण्याचे आदेश दिले.

शाळेच्या मुख्याध्यापकांनी सांगितले की, या विद्यार्थिनींनी डोक्याला स्कार्फ नीट बांधला नव्हता. इंडोनेशिया हा फार कठोर नियम असलेला देश म्हणून ओळखला जात नाही, परंतु तेथील काही भागात महिलांसाठी कठोर ड्रेस कोड लागू आहेत. 2021 मध्ये, देशातील शाळांमध्ये अनिवार्य ड्रेस कोडवर बंदी घालण्यात आली.

यानंतरही देशात मुस्लिम आणि बिगर मुस्लिम मुलींचा हिजाब परिधान केल्याबद्दल छळ होत असल्याचे सामाजिक कार्यकर्त्यांचे म्हणणे आहे. पूर्व जावा येथील सरकारी कनिष्ठ हायस्कूलमध्ये ही घटना घडली. 23 ऑगस्ट रोजी एका वर्गशिक्षकाने 14 मुस्लिम विद्यार्थिनींना टक्कल पाडण्याचा निर्णय दिला. (Latest Marathi News)

शिक्षकाची ओळख अद्याप उघड झालेली नाही. दुसरीकडे शाळेचे मुख्याध्यापक हार्टो यांनी सांगितले की, आरोपी शिक्षकाला निलंबित करण्यात आले असून शाळेने विद्यार्थिनींच्या कुटुंबीयांची माफी मागितली आहे.

ते म्हणाले की, विद्यार्थिनींना शाळेत हिजाब घालण्याचा कोणताही औपचारिक आदेश जाहीर करण्यात आलेला नाही. त्यांना त्यांचे डोके झाकण्यासाठी आणि स्कार्फ व्यवस्थित बांधण्यासाठी प्रोत्साहित केले जाते. यानंतरही शिक्षा झालेल्या विद्यार्थिनींनी नीट हिजाब घातला नसल्याने त्यांचा पूर्ण चेहरा दिसत होता. (Latest Marathi News)

ज्या मुलींसोबत ही घटना घडली आहे, त्यांना मानसिक आधार दिला जाईल, असे शाळा व्यवस्थापनाचे म्हणणे आहे. मानवाधिकार संघटनांनी शिक्षकाच्या या कृत्याचा तीव्र निषेध केला असून कठोर कारवाईची मागणी केली आहे.