पेशावर - पाकिस्तानमधील एका वरिष्ठ पत्रकाराचा काही अज्ञात हल्लेखोरांनी गोळ्या झाडून खून केला. खैबर पख्तुन्ख्वा प्रांतात ही घटना घडली. खलिल जिब्रान असे या पत्रकाराचे नाव होते.
लंडीकोटल गावात ते एका मित्राबरोबर मोटारीतून घरी जात असताना गाडी रस्त्यात बंद पडली. गाडीची तपासणी करत असतानाच दुचाकीवरून आलेल्या काही जणांना त्यांना घेरले आणि गोळ्या मारल्या. या हल्ल्यात जिब्रान हे जागीच ठार झाले, तर त्यांचे सहकारी जखमी झाले. हल्ल्यानंतर हल्लेखोर पळून गेले.
हा हल्ला दहशतवाद्यांनी केला असण्याचा अंदाज पोलिसांनी व्यक्त केला आहे. जिब्रान यांना यापूर्वी काही वेळा दहशतवाद्यांकडून धमकी मिळाली होती. जिब्रान यांच्या खूनानंतर त्यांच्या गावात लोकांनी निदर्शने काढत हल्लेखोरांना अटक करण्याची मागणी केली. सोशल मीडियावरही अनेक जणांनी घटनेचा तीव्र निषेध केला. मागील महिन्यातही सिंध प्रांतात एका पत्रकारावर हल्ला झाला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.