नवी दिल्ली : सुदानमध्ये गेल्या आठवड्याभराहून अधिक काळापासून लष्कर आणि निमलष्करी दलांमध्ये मोठा संघर्ष पेटला आहे. परस्परांमध्ये गोळीबार आणि हिंसक घटनांनी सुदानची राजधानी खार्तुमची कायदा व सुव्यवस्था पार कोलमडून गेली आहे.
या हिंसाचारात दीडशेहून अधिक सुदानचे नागरिक मारले गेले आहेत, यामध्ये एका भारतीयाचाही समावेश आहे. यापार्श्वभूमीवर भारत सरकारनं सुदानमधील भारतीयांना सुरक्षित बाहेर काढण्यासाठी आणि त्यांना भारतात आणण्यासाठी ऑपरेशन कावेरी लॉन्च केलं आहे. परराष्ट्रमंत्री एस. जयशंकर यांनी ट्विटद्वारे ही माहिती दिली.
जयशंकर यांनी ट्विटमध्ये म्हटलं की, सुदानमधून भारतीयांना बाहेर काढण्यासाठी ऑपरेशन कावेरी सुरु करण्यात आलं आहे. या मोहिमेंतर्गत ५०० भारतीय नागरिक सुदानच्या बंदरावर दाखल झाले आहेत. तर इतर अनेक जण लवकरच पोहोचणार आहेत. या सर्व भारतीय नागरिकांना जहाज आणि विमानांच्या मदतीनं भारतात परत आणण्यात येणार आहे. सुदानमधील आपल्या सर्व नागरिकांना मदत करण्यासाठी बांधिल आहोत.
दुसऱ्या देशात अडकलेल्या भारतीय नागरिकांच्या बचावासाठी त्यांना बाहेर काढण्यासाठी भारतानं यापूर्वीही अनेक बाचव मोहिमा राबवल्या आहेत. यापूर्वी युक्रेन-रशियामध्ये सुरु असलेल्या युद्धाच्या पार्श्वभूमीवर युक्रेनमध्ये 'ऑपरेशन गंगा' राबवलं होतं. तर अफगाणिस्तानात तालिबाननं ताबा घेतल्यानंतर निर्माण झालेल्या बिकट परिस्थितीत भारतीयांना बाहेर काढण्यासाठी 'ऑपरेशन देवी शक्ती' राबवण्यात आलं होतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
