Terrorist Attack : युगांडातील एका शाळेवर दहशतवाद्यांचा हल्ला, 25 विद्यार्थी ठार

Terrorist Attack On A School In Uganda: गेल्या काही वर्षांत आफ्रिकन देशांमध्ये दहशतवाद पसरला असून त्याचा परिणामही दिसून येत आहे. अनेक आफ्रिकन देश दहशतवादाच्या विळख्यात अडकले आहेत. या देशांमध्ये दररोज दहशतवादी हल्ल्यांच्या घटना समोर येत आहेत.

शुक्रवारी युगांडामध्ये एका शाळेवर दहशतवादी हल्ला झाल्याची घटना समोर आली आहे. मिळालेल्या माहितीनुसार, पश्चिम युगांडातील मपोंडवे येथील लुबिरिरा माध्यमिक विद्यालयात हा हल्ला झाला. या हल्ल्यात 25 विद्यार्थ्यांचा मृत्यू झाला होता. त्यात 8 जण जखमी झाले. जखमींना जवळच्या रुग्णालयात दाखल करण्यात आले असून त्यांच्यावर उपचार सुरू आहेत. (Terrorist Attack On A School In Uganda)

अनेक दहशतवादी संघटनांनी आफ्रिकन देशांमध्येही आपली पाळेमुळे पसरवली असून त्यांनी स्थानिक लोकांनाही दहशतवादी कारवायांमध्ये सहभागी करून घेतले आहे. त्यामुळे या देशांतील वातावरणही बिघडते. शुक्रवारी असाच दहशतवादाचा प्रकार आफ्रिकन देश युगांडामध्ये पाहायला मिळाला. (Global News)

युगांडाच्या पोलिसांनी सांगितले की, युगांडाची दहशतवादी संघटना अलायड डेमोक्रॅटिक फोर्सेस (एडीएफ) मपोंडवे येथील लुबिरिरा माध्यमिक विद्यालयावर झालेल्या दहशतवादी हल्ल्यात सामील आहे. ही दहशतवादी संघटना डेमोक्रॅटिक रिपब्लिक ऑफ काँगोमध्ये आहे आणि इस्लामिक दहशतवादी संघटना ISIS शी तिचे संबंध आहेत.