Ukraine Russia War : हंगेरीमधून भारताकडे तिसरे विमान रवाना

गेल्या तीन दिवसापासुन युक्रेन-रशिया युद्ध सुरू आहे. या युद्धाने जगाच्या पाठीवर चिंता वाढवली आहे. रशियाने (Russia) युक्रेनवर हल्ला केल्याने युक्रेन मधील जनजीवन विस्कळले आहेत. अशात युक्रेन वर असलेला धोका पाहता तेथे अडकलेले लोक युक्रेनमधुन बाहेर पडण्यासाठी केविलवानी धडपड करीत आहे. यात पार्श्वभुमीवर काही भारतीय विद्यार्थी यांना माघारी आणण्यासाठी भारत सरकार सर्वोतपरी प्रयत्न करत आहे. आतापर्यंत दोन विमाने भारतामध्ये दाखल झाली आहेत. तर आज तिसरं विमान हंगेरीच्या बुडापेस्ट येथून दिल्लीला येण्यासाठी रवाना झाले आहे. या विमानात एकूण 240 भारतीय नागरिक प्रवास करत आहेत.

रशिया-युक्रेन युद्धामुळे युक्रेनची हवाई वाहतूक पूर्णपणे बंद आहे. त्यामुळे त्यामुळे या विद्यार्थांना हंगेरी आणि रोमानियामध्ये आणून नंतर विमानाने भारतात आणले जात आहे. शनिवारी एक विमान भारतात दाखल झाले तर आज पहाटे देखील एक विमान भारतामध्ये आले आहे. हे विमान 250 प्रवाशांना घेऊन दिल्लीत दाखल झाले. आतापर्यंत एकूण 469 भारतीय नागरिकांना युक्रेनमधून माघारी आणण्यात यश आले आहे. तर आज आणखी एक विमान 240 भारतीय नागरिकांना घेऊन हंगेरीतील बुडापेस्टमधून भारतात येण्यासाठी रवाना झाले आहे. हंगेरी हा मध्य युरोपातील एक देश असुन हंगेरीच्या पूर्वेला युक्रेन देश स्थित आहेत. बुडापेस्ट ही हंगेरीची राजधानी व सर्वात मोठे शहर आहे.