Topless on Camera at White House : अमेरिकेच्या व्हाईट हाऊसमध्ये थेट राष्ट्राध्यक्ष जो बायडेन यांच्यासमोर एक ट्रान्सजेंडर इन्फ्ल्यूएन्सर टॉपलेस झाल्याची घटना घडली आहे.
व्हाईट हाऊसच्या प्राईड मंथ नावाच्या एका कार्यक्रमात ही घटना घडली. समलैंगिकांच्या सन्मानार्थ आयोजित कार्यक्रमात एका TikTok सेलिब्रेटीने तिचा टॉप काढला. याचा व्हीडिओ व्हायरल झाल्यानंतर आता चर्चा सुरु झाली आहे.
व्हायरल झालेल्या व्हीडिओमध्ये नग्न झालेली ट्रान्सजेंडर दिसत आहे. जून 2023 मध्ये जगभरातील ट्रान्सजेंडर 'प्राईड मंथ' साजरा करत आहेत. यासाठी जो बायडेन प्रशासनाने या ट्रान्सजेंडर्सना व्हाईट हाऊसच्या साउथ लेनमध्ये आमंत्रित केले होते.
यादरम्यान जो बायडेन यांनी 'हॅपी प्राईड मंथ, हॅपी प्राईड इयर, हॅपी प्राईड लाइफ' म्हणत त्यांना प्रोत्साहन दिले. ते म्हणाले की, हे लोक सर्वात धाडसी आणि सर्वात प्रेरणादायी लोक आहेत.
रोझ मोंटोया दहावीमध्ये असताना पुरुषांकडे आकर्षित होऊ लागली. ती सिएटल युनिव्हर्सिटीची पदवीधर आहे. आज अचानक ती अमेरिकेत झळकली आहे.
अमेरिकेत व्हायरल झालेल्या व्हीडिओमध्ये, सुरुवातीला मोंटोया ही बायडेन यांच्याशी चर्चा करत आहे. त्यानंतर तिने राष्ट्राध्यक्षांसोबत हात मिळवला. याचवेळी तिने कॅमेऱ्याकडे बघू 'ट्रान्सजेंडरचे हक्क हा अधिकार आहे' असं म्हटलं. त्यानंतर तिने बायडेन यांच्यासमोर टॉप काढला. हा व्हीडिओ बघून अमेरिकेमध्ये तिच्यावर टीका होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
