Turkey Earthquake News : तुर्कस्तानमध्ये भूकंपाचे जोरदार धक्के जाणवले आहेत. नूर्दगीपासून 23 किमी पूर्वेला भूकंपाचे हे धक्के जाणवले असल्याची माहिती आहे. भूकंपाची तीव्रता रिश्टर स्केलवर 7.8 इतकी मोजली गेली. मात्र, नॅशनल सेंटर फॉर सिस्मॉलॉजीने भूकंपाची तीव्रता 7.5 एवढी सांगीतली आहे. दरम्यान या प्रकाराचे अनेक व्हिडिओ सोशल मीडियावर व्हायरल झाले आहेत.
हेही वाचा - रायगडमध्ये पर्यटनासाठी येतेय नवी संधी
हाती आलेल्या एका व्हिडिओमध्ये एक इमारत अनेक स्थानिक नागरिकांच्या डोळ्यांदेखत जमीनदोस्त होत आहे. तर या व्हिडिओमध्ये लोकं पळापळ करताना दिसत असून लेकराबाळांच्या किंचाळण्याचा आवाज येत आहे. तर लोक आरडाओरड करत पडलेल्या इमारतीपासून दूर जाण्याचा प्रयत्न करत आहेत. हा व्हिडिओ पाहून आपला थरकाप उडेल.
दरम्यान, भूकंपाचे धक्के सीरियापर्यंत जाणवले असल्याची माहिती आहे. भूकंपाचे धक्के इतके तीव्र होते की, तुर्कस्तान आणि सीरियामध्ये अनेक इमारतींचे नुकसान झाले आहे. युनायटेड स्टेट्स जिओलॉजिकल सर्व्हेनुसार भूकंपामुळे मोठ्या प्रमाणात जीवितहानी झाल्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.