गेल्या दीड वर्षांपासून युक्रेन आणि रशियामध्ये युद्ध सुरू आहे. यातच आज पहाटे युक्रेनने थेट रशियाच्या राजधानीवरच हल्ला केला. मॉस्कोमध्ये ड्रोनच्या सहाय्याने दोन इमारतींवर हल्ला करण्यात आला. याचा व्हिडिओ आता समोर आला आहे.
मॉस्कोचे मेयर सर्जे सोबयानिन यांनी या हल्ल्याची पुष्टी केली आहे. अर्थात, यामध्ये कोणतीही जीवीत हानी झाली नसल्याचं त्यांनी स्पष्ट केलं आहे. सोबतच, या इमारतींना जास्त नुकसान झालं नसल्याचंही ते म्हणाले. सोशल मीडियावर या हल्ल्याचे व्हिडिओ व्हायरल होत आहेत. (Ukraine Drone Attack)
या हल्ल्यानंतर खबरदारी म्हणून नुकावो विमानतळ बंद करण्यात आलं आहे. तसंच, रशियाच्या सैन्याने मॉस्कोच्या पश्चिम भागात युक्रेनचं आणखी एक ड्रोन नष्ट केल्याचंही सांगण्यात येत आहे.
दरम्यान, अमेरिकेने उत्तर कोरियावर रशियाला मदत करत असल्याचे आरोप केले आहेत. नॉर्थ कोरिया समुद्रमार्गे रशियाला मोठ्या प्रमाणात मिसाईल आणि इतर शस्त्रं पुरवत असल्याचं अमेरिकेने म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
