Russia-Ukraine War: रशियाने कीवमध्ये मुलांच्या रुग्णालयावर डागलं क्षेपणास्त्र, 24 जणांचा मृत्यू; अनेक मृतदेह गाडले, बचावकार्य सुरू

रशियाने आज युक्रेनमध्ये सुरू असलेल्या युध्दाला आता जवळपास दोन वर्षांपेक्षा आधिक काळ लोटला आहे. मात्र, अद्याप त्याच्यांवर होणारे हल्ले आणि वाढणारी मृतांची संख्या चिंतेंची बाब ठरत आहे. अद्याप युध्दाला पुर्णविराम मिळण्याची चिन्हे दिसत नाहीयेत. अशातच आज पुन्हा एकदा रशियाने युक्रेनवर मोठा हल्ला केला आहे. मुलांच्या रूग्णालयावर रशियाने क्षेपणास्त्र हल्ला केला आहे. यामध्ये अनेकांचा मृत्यू झाल्याची माहिती समोर आली आहे.

आज(सोमवारी) रशियाने युक्रेनची राजधानी कीव येथील काही भागांमध्ये हल्ला केला. यावेळी क्षेपणास्त्रे डागण्यात आले आहे. यामध्ये २४ जणांचा मृत्यू झाला आहे. रशियाच्या सैन्यांने कीवमधील मुलांच्या रूग्णालयावर क्षेपणास्त्र डागली. हे रूग्णालय जमीनदोस्त झाले असून त्याच्या ढीगाऱ्याखाली अनेक जण दबल्याची माहिती समोर आली आहे, मृतांचा आकडा आणखी वाढण्याची शक्यता आहे. त्यांना बाहेर काढण्यासाठी मदत आणि बचावकार्य सुरू आहे. मलब्याखाली काही जिवंत आहेत का याचा शोध घेतला जात आहे.

युक्रेनची राजधानी कीवमध्ये लहान मुलांचे ओखमाटडिट बालरोग हॉस्पिटल आहे. यावरती आज रशियाने हाइपरसोनिक क्षेपणास्त्र या रूग्णालयावर डागलं. तर या भागात अनेक ठिकाणी बॉम्ब हल्ले करण्यात आला. या हल्ल्यात किमान 10 जणांचा मृत्यू झाला.

अनेक महिन्यांनंतर कीववर सर्वात मोठा हल्ला

रशियन लष्कराचा हा हल्ला अनेक महिन्यांतील कीववरील सर्वात मोठा हल्ला असल्याचे बोलले जात आहे. युक्रेनियन वायुसेनेने एका निवेदनात म्हटले आहे की, दिवसा उजाडलेल्या या हल्ल्यांमध्ये रशियन अत्याधुनिक शस्त्रांपैकी एक असलेल्या किन्झाल हायपरसोनिक क्षेपणास्त्रांचा समावेश होता. किंजल आवाजाच्या 10 पट वेगाने उडते, ज्यामुळे तिला थांबवणे जवळजवळ अशक्य होते. स्फोटांनी शहरातील इमारती हादरल्या.