Pakistani Family Unique Record : पाकिस्तानच्या लरकाना इथे राहणाऱ्या एका कुटुंबाच्या नावे एक आगळावेगळा रेकॉर्ड नोंदवला गेला आहे. स्वतः गिनीज वर्ल्ड रेकॉर्ड्सने त्यांची कहाणी शेअर केली आहे. या ९ सदस्यांच्या कुटुंबात एक गोष्ट कॉमन आहे. ती म्हणजे त्यांचा जन्मदिवस. या कुटुंबातले सर्व सदस्य १ ऑगस्टला जन्मले आहेत. ते सर्व एकाच दिवशी आपला वाढदिवस साजरा करतात.
गिनीज वर्ल्ड रेकॉर्डच्या नुसार कुटुंबात आमिर अली, त्यांची पत्नी खुदेजा आणि त्यांची ७ मुले यांचा या रेकॉर्डमध्ये समावेश आहे. या ७ मुलांमध्ये ससुई, सपना या जुळ्या मुली आहेत. आमिर-अंबर, अम्मार-अहमर ही जुळी मुले आहेत. याशिवाय सिंधू नावाची अजून एक मुलगी आहे. या सगळ्यांचे वय १९ ते ३० च्या दरम्यान आहे.
यातली अजून एक रंजक गोष्ट म्हणजे या ७ मुलांबरोबर त्यांच्या आई-वडिलांचाही वाढदिवस १ ऑगस्टला आहे. सगळ्यांचे जन्मवर्ष वेगवेगळे असले तरी महिना आणि तारीख एकच आहे. आणि हा एक रेकॉर्ड झाला आहे. कोणत्याच कुटुंबात एवढ्या सगळ्या लोकांना वाढदिवस एकाच दिवशी येत नाही.
हा रेकॉर्ड यापूर्वी कमिंस परिवार (यूएसए) च्या पाच मुलांच्या नावे नोंदवला गेला होता. त्यांचा जन्म १९५२ ते १९६६ दरम्यान २० फेब्रुवारी ला झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
