अमेरीकेचे राष्ट्राध्यक्ष जो बायडेन (Joe biden) यांनी नुकतंच व्हाईट हाऊसवर (White House) एका नव्या पाहुण्याचं स्वागत केलं आहे. बायडेन कुटुंबातील या नव्या पाहुण्याबद्दल त्यांनी स्वत: माहिती देत एक व्हीडिओ शेअर केला आहे. हा पाहुणा नेमका कोण? असा प्रश्न अनेकांना पडला आहे. तर हा पाहुणा दुसरा तिसरा कुणी नसून, त्यांचा नवा कुत्रा आहे.
बायडेन कुटुंबातील या नव्या पाहुण्याचं जो बायडेन आणि फर्स्ट लेडी जिल बायडेन यांनी आनंदात स्वागत केलं आहे. बायडेन यांनी स्वत: आपल्या कमांडर (Commander) सोबतचा व्हिडीओ शेअर केला आहे. जर्मन शेफर्ड या विशेष प्रजातीचा हा कुत्रा सध्या जगभरात चर्चेत आहे. त्यांनी इन्स्टाग्रामवर एक रीलही शेअर केली आहे. व्हिडिओमध्ये, बायडेन कुत्र्यासोबत खेळत असून, त्यांच्या बाजूला फर्स्ट लेडी जिल बायडेन यांच्यासोबत पट्टा धरून चालताना दिसत आहे.
जिल बायडेन यांचे प्रेस सेक्रेटरी मायकेल लारोसा यांनी कुटुंबातील नव्या सदस्याबद्दलच्या बातमीला दुजोरा दिला. या पिल्लाचे नाव 'कमांडर' असे असून राष्ट्रपतींना त्यांचा भाऊ जेम्स बायडेन आणि मेहुणी सारा बायडेन यांच्याकडून ही भेट मिळाली असल्याचं लारोसा यांनी सीएनएनला सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
