अमेरिकेत अल्पवयीन बंदूकधाऱ्यांकडून लोकांवर होणारे हल्ले सातत्याने वाढत आहेत. काही दिवसांपुर्वी न्यूयॉर्कमधील बफेलोमध्ये एका 18 वर्षीय मुलाने लोकांवर गोळीबार केला होता, ज्यामध्ये 10 जणांचा मृत्यू झाला होता. या घटनेचे आठवणी ताज्या असतानाच आणखी एका घटनेने त्यांना हादरवून सोडले आहे. मंगळवारी टेक्सासमधील एका 18 वर्षीय माथेफिरू मुलाने प्राथमिक शाळेत घुसून केलेल्या गोळीबार केला आहे. (Texas Shooting)
शाळकरी मुलांवर झालेल्या या गोळीबारात हल्ल्यात शाळेतील 19 लहान मुलांसह 21 जणांचा मृत्यू झाला आहे. या गोळीबाराच्या आधी आरोपीने इंस्टाग्रामवर एका मुलीशा चॅटिंग केल्याचे समोर आले आहे.
18 वर्षीय साल्वाडोर रामोसने अमेरिकेतील टेक्सास येथील लहान मुलांच्या शाळेत गोळीबार करण्याच्या काही तास आधी इंस्टाग्रामवरून एका मुलीला कथितपणे मेसेज केला होता, तो म्हणाला की - "माझ्याकडे छोटं गुपित आहे, जे मी तुम्हाला सांगू इच्छितो." त्याने तोंड झाकलेला स्मायलीचा इमोजीही पाठवला. त्याने सकाळी 9.16 वाजता हा मेसेज पाठवला आणि त्यांनंतर सकाळी 11.32 वाजता त्याने उवाल्दे येथील रॉब इलेमेंट्री शाळेत लहान मुलांवर बेछूट गोळीबार केला.
या गोळीबारानंतर रामोसला गोळ्या घालण्यापूर्वी त्याने 19 मुलांसह 21 जणांची हत्या केली होती. रामोसने मुलीला @salv8dor_ खात्यावरून मेसेज केला. त्यानंतर त्याने मुलीला बंदुकीसह काढलेल्या फोटोमध्ये देखील टॅग केले. त्यानंतर मंगळवारी सकाळी शूटिंगच्या आधी त्याने मुलीला पुन्हा मेसेज केला की, “मी हे करणार आहे”. मुलीने विचारले - तू काय करणार आहेस? त्याने उत्तर दिले: मी तुम्हाला 11 वाजण्यापूर्वी सांगेन.
पोलिसांनी दिलेल्या माहितीनुसार, रामोसने शाळेत जाण्यापूर्वी एका वृध्द महिलेवर गोळीबार केला. वेंडी आउटलेटमध्ये नोकरी करण्याआधी तो उवाल्दे हायस्कूलमध्ये शिकत होता. मिडीया रिपोर्टनुसार, त्याने वापरलेली बंदुक देखील त्याने 18 वर्षांचा झाल्यानंतर कायदेशीररित्या खरेदी केली होती.
त्याच्या 18व्या वाढदिवसाला त्याने खरेदी केलेल्या बंदुकीचे अनेक फोटो त्याच्या सोशल मीडियावर आहेत. राज्याचे सिनेटर रोनाल्ड गुटेरेझ यांनी ही माहिती दिली. सप्टेंबरमध्ये संमत झालेल्या नवीन टेक्सास कायद्यानुसार, ज्याच्याकडे प्रोटेक्टिव ऑर्डर असेल तर 18-21 वर्षांच्या वयोगटातील व्यक्तींना कौटुंबिक हिंसाचार, पाठलाग झाल्यास, वेश्याव्यवसाय किंवा लैंगिक तस्करीचा धोका असल्यास बंदुक खरेदी करता येते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
