काबुल: अफगाणिस्तानात (Afganistan) पुन्हा तालिबान (Taliban) राज येणार स्पष्ट झालं आहे. त्यामुळे देश सोडण्यासाठी काबुल विमानतळावर मोठी गर्दी उसळली आहे. अफगाण नागरिकांसह विविध देशांचे नागरिक विमानतळावर पोहोचत आहेत. काल रविवारी संध्याकाळी अशीच गर्दी उसळलेली असताना, काबुल विमानतळावर गोळीबाराची घटना घडली.
आजही काबुल विमानतळावर गोळीबार झाला आहे. हा गोळीबार अमेरिकन सैनिकांनी केल्याचं स्पष्ट झालं आहे. काबुल विमानतळावर मोठ्या प्रमाणावर गर्दी आणि गोंधळाची स्थिती निर्माण झाल्यामुळे हवेत गोळीबार केला. अमेरिकन सैन्याने रॉयटर्सला ही माहिती दिली आहे. लष्करी विमान पकडण्यासाठी पळणाऱ्या अफगाणि नागरिकांना रोखण्यासाठी हवेत गोळीबार करावा लागला. काबुल विमानतळावरील गर्दी नियंत्रणाबाहेर गेली आहे, असे अधिकाऱ्याने सांगितलं
अफगाणिस्तानचे राष्ट्राध्यक्ष अश्रफ घानी यांनी देश सोडल्यानंतर तालिबानी दहशतवादी काबुलमध्ये घुसले. त्यामुळे शहरात गोंधळाची स्थिती निर्माण झालीय. तालिबान राजवटीचा अनुभव असल्यामुळे नागरिकांच्या मनात भीती, दहशत आहे. अफगाणिस्तानात कशी गोंधळाची स्थिता आहे, त्याचे अनेक व्हिडीओ समोर आले आहेत. देश सोडण्यासाठी काबूल विमानतळावर गर्दी उसळली आहे. शेकडो लोक विमानतळावर दाखल होत आहेत.
काबूल विमानतळाच्या दिशेने जाणाऱ्या मुख्य रस्त्यावर वाहनांची गर्दी आहे. मूळ अफगाणि नागरिकांनीही देशाबाहेर जाण्यासाठी गर्दी केलीय. रस्त्यावर तालिबानी दहशतवाद्यांना पाहून नागरिकांच्या मनात भीती निर्माण झालीय, असे काबूल पीस फोरमच्या शरीफ साफी यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
