सोशल मीडियावर तुम्ही वन्य प्राण्यांचे अनेक व्हिडिओ पाहिले असतील.
सोशल मीडियावर (Social Media) तुम्ही वन्य प्राण्यांचे अनेक व्हिडिओ पाहिले असतील. 'जंगलाचा राजा' सिंह आणि वाघ, बिबट्याचे व्हिडिओ सोशलमीडियावर मोठ्या प्रमाणात पाहिले जातात आणि लाईकही केले जातात. असाच एक व्हिडिओ सध्या सोशल मीडियावर व्हायरल (Viral Video) होत आहे. हा व्हिडिओ बिबट्याशी जोडलेला आहे.
या व्हिडीओमध्ये एक बिबट्या (Leopard) स्वत:पेक्षा जड असलेल्या गेंड्याची शिकार करतो आणि नंतर त्याला तोंडात दाबून झाडावर चढतो. हा व्हिडिओ पाहिल्यानंतर लोकांचे डोळे उघडेच राहतील. बिबट्याने आपल्या जबड्यात असा गेंडा पकडलेला आहे की जसा काय तो एखादा लहान हरीणच आहे. व्हिडिओमध्ये आपण पाहू शकता की, बिबट्या आपल्या मजबूत जबड्याने गेंड्याला पकडतो आणि मजबूत पंज्यांच्या सहाय्याने वेगाने झाडावर चढतोय.
व्हिडिओ पाहता बिबट्याने आधीच गेंड्याला ठार मारल्याचं दिसतंय. यानंतर तो मृत शरीर घेऊन खाण्यासाठी झाडावर चढतो. कदाचित दुसरा प्राणी आपली शिकार हिसकावून घेईल, अशी भीती बिबट्याला वाटत असावी. वाइल्ड अॅनिमल शॉर्ट्स नावाच्या इन्स्टाग्राम अकाऊंटवरून हा व्हिडिओ शेअर करण्यात आला आहे. 12 सेकंदाचा हा व्हिडिओ खूप पाहिला जात आहे.
हा व्हिडिओ आतापर्यंत 1,30,000 हून अधिक लोकांनी पाहिला असून लाइक केला आहे. हा व्हिडिओ पाहिल्यानंतर एका युझरने कमेंटमध्ये लिहिले की, "व्हिडिओमध्ये बिबट्याच्या जबड्याची ताकद पाहून मला आश्चर्य वाटले." आणखी एका युझरने या व्हिडिओवर कमेंट केली आहे की, "यामुळे बिबट्याला जंगलातील सर्वात मोठा शिकारी म्हटले जाते."
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
