युक्रेनविरुद्धच्या युद्धात रशियाचे मोठे नुकसान झाले आहे. गेल्या वर्षी फेब्रुवारीमध्ये रशियाने युक्रेनमध्ये आपले सैन्य पाठवले तेव्हा अनेक तज्ज्ञांना असा विश्वास होता की या युद्धामुळे युक्रेनचे मोठे नुकसान होईल. परंतु युक्रेन आपल्या सर्वात मजबूत शेजाऱ्यासमोर ठामपणे उभा राहिला आणि अनेक रशियन सैनिकांना ठार केले.
आता परिस्थिती उलटी झाली असून तज्ज्ञांनी रशियाबद्दल आणि त्याहीपेक्षा महत्त्वाचे म्हणजे रशियाचे राष्ट्राध्यक्ष व्लादिमीर पुतीन यांच्याविषयी अंदाज वर्तवायला सुरुवात केली आहे. आता रशियाच्या एका माजी राजकीय मुत्सद्दी व्यक्तीने न्यूजवीकला सांगितले आहे की, जर पुतीन स्वतःच्या अटींवर युद्ध जिंकण्यात अपयशी ठरले तर त्यांना आगामी काळात राजीनामा देण्यास भाग पाडले जाईल.
गेल्या वर्षी युक्रेनविरुद्ध युद्ध सुरू झाल्यानंतर जाहीरपणे राजीनामा देणारे बोरिस बोंडारेव्ह यांनी न्यूजवीकला सांगितले की, "व्लादिमीर पुतिन यांची जागा घेतली जाऊ शकते. ते काही सुपरहिरो नाही... त्यांच्याकडे कोणतीही महासत्ता नाही... ते एक किरकोळ हुकूमशहा आहे..."
बोरिस बोंडारेव्ह हे जिनिव्हा येथील रशियाच्या राजनैतिक मिशनमध्ये शस्त्रास्त्र नियंत्रण तज्ज्ञ म्हणून काम करत होते. ते पुढं म्हणाले की, इतिहासावर नजर टाकली तर असे हुकूमशहा वेळोवेळी बदललेले दिसतात. त्यामुळे जर ते युद्धात पराभूत झाले आणि ते आपल्या समर्थकांच्या गरजा भागवू शकला नाही, तर समर्थक निघून जातील..." बोरिस बोंडारेव्ह हे एकमेव रशियन मुत्सद्दी होते ज्यांनी युद्धाविरोधात जाहीर राजीनामा दिला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
