सबस्क्राईब करा
रशियातून एक मोठी बातमी समोर येत आहे. एका खासगी जेटचा अपघात होऊन सुमारे दहा लोकांचा मृत्यू झाला आहे. या विमानातून रशियातील खासगी सैन्य 'वॅगनर' ग्रुपचा प्रमुख येवगेनी प्रिगोझिन हादेखील प्रवास करत होता, असं सांगण्यात येत आहे. येवगेनी याने काही दिवसांपूर्वीच पुतीन यांच्याविरोधात सशस्त्र बंड केलं होतं.
एएनआय वृत्तसंस्थेने स्थानिक माध्यमांचा हवाला देत याबाबतचं वृत्त प्रसिद्ध केलं आहे. रशियाची राजधानी मॉस्कोपासून उत्तरेकडे असणाऱ्या प्रांतात हा अपघात झाला.
दरम्यान, कित्येक विदेशी माध्यमांनी या अपघातामध्ये येवगेनीचा मृत्यू झाल्याचा दावा केला आहे. या विमान दुर्घटनेचे व्हिडिओ सध्या सोशल मीडियावर व्हायरल होत आहेत. यामध्येच येवगेनी मृत्यूमुखी पडला असल्याचंही म्हटलं जातंय.
येवगेनी हा वॅगनर या भाडोत्री सैनिकांच्या ग्रुपचा प्रमुख होता. त्यानेच या ग्रुपची स्थापना केली होती. रशियासाठी काम करणाऱ्या या ग्रुपने जूनमध्ये देशाचे अध्यक्ष पुतीन यांच्याविरोधात बंड पुकारलं होतं. यावेळी रशियामध्ये मोठं गृहयुद्ध सुरू होण्याची शक्यता निर्माण झाली होती. मात्र, रक्तपात टाळण्यासाठी म्हणून येवगेनी याने लगेच हे बंड मागे घेतलं होतं.
वॅगनर ग्रुपने आज (बुधवारी) झालेल्या विमान दुर्घटनेसाठी रशिया जबाबदार असल्याचे आरोप केले आहेत. रशियाच्या हवाई दलाने आपल्या विमानावर हल्ला केला, त्यामुळे ते क्रॅश झालं असा आरोप वॅगनर ग्रुपने आपल्या ग्रेझोन या चॅनलवरून केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
