गाईच्या दुधाला आईच्या दुधाची सर येत नाही, असं म्हणतात. आईचं दुध तिच्या बाळासाठी अत्यंत महत्त्वाचं असतं. म्हणून बाळाच्या जन्मानंतर त्याला स्तनपान करण्याचा सल्ला डॉक्टर देतात.
दुधाचा रंग पांढरा असतो, हे आपण जाणतो, परंतु दुधाचा रंग गुलाबी असल्याचे तुम्ही कधी ऐकलंय का? एका महिलेने ट्विटरवर शेअर केलेला व्हिडीओ पाहून तुम्ही नक्कीच आश्चर्यचकीत व्हाल.
''जो जॉन्सन ओव्हरबी' नावाच्या या महिलेने काहीच दिवसांपूर्वी बाळाला जन्म दिला. इतर मातांप्रमाणे तीही नियमितपणे बाळाला स्तनपान करत होती. साधारणपणे सहा आठवड्यानंतर बाळाला दुध पाजताना दुधाचा रंग काहीसा बदलल्याचे तिच्या लक्षात आले. तिच्या दुधाचा रंग बदलून गुलाबी होत असल्याचे तिने पाहिले. त्यामुळे ती घाबरून गेली.या महिलेने याचा व्हिडीओ देखील सोशल मीडियावर शेअर केला आहे.
व्हायरल व्हिडीओमध्ये ही महिला दुधाच्या दोन पिशव्या दाखवते. एका पिशवीमध्ये पांढऱ्या रंगाचं तर दुसऱ्या पिशवीत गुलाबी रंगाचे दूध दिसतं. ‘ जेव्हा मी आई होईन आणि बाळाला स्तनपान करताना माझे दूध रंगेबीरंगी येईल, असे मला कोणी सांगितले असते, तर मला विश्वासही बसला नसता’, असे या पोस्टमध्ये महिलेने म्हटले आहे.
दरम्यान, दुधाचा रंग गुलाबी कसा झाला? याबाबत अनेकांनी तिला प्रश्न विचारला. या प्रश्नावर महिलेने काही उत्तर दिले नाही. अनेक युजर्सनी यावर विविध प्रतिक्रीया नोंदवल्या. दुधाचा रंग गुलाबी असला तरीही ती महिला बाळाला स्तनपान करू शकते असेही काहींनी म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
