नवी दिल्ली : एनआयए (NIA) कोर्टाने आज जम्मू काश्मीरचा फुटीतरतावादी नेता यासिन मलिकला (Yasin Malik) टेरर फंडिंग केल्याप्रकणी दोषी ठवले. त्याला जन्मठेप किंवा फाशीची शिक्षा होण्याची शक्यता आहे. मात्र या निर्णयामुळे तिकडे पाकिस्तानातील (Pakistan) अनेक सेलिब्रेटिंच्या पोटात दुखू लागले आहे. पाकिस्तानचा माजी क्रिकेटपटू शाहिद आफ्रिदीने (Shahid Afridi) याबाबत ट्विट करून नाराजी व्यक्त केली.
लिबरेशन फ्रन्टचा फुटीरतावादी नेता यासिन मलिकला टेरर फंडिग प्रकरणी दोषी ठरवण्यात आलं आहे. यावर आज एनआयए कोर्टात निकाल राखून ठेवला आहे. त्याला फाशीची किंवा जन्मठेपेची शिक्षा होण्याची शक्यता आहे. राष्ट्रीय तपास पथकाच्या (NIA) विशेष कोर्टानं १९ मे रोजी यासिन मलिक याला बेकायदा कारवाया प्रतिबध कायद्यांतर्गत (UAPA) सर्व आरोपांमध्ये दोषी ठरवलं होतं. या निकालाच्या पार्श्वभूमीवर पटियाला हाऊस कोर्टात कडेकोट सुरक्षा व्यवस्था तैनात करण्यात आली आहे.
दरम्यान, एनआयए कोर्टाने त्याला दोषी ठरवताच पाकिस्तानचा माजी कर्णधार शाहिद आफ्रिदीने ट्विट केले. शाहिद आफ्रिदी आपल्या ट्विटमध्ये म्हणतो की, 'भारतात सुरू असलेल्या मानवी अधिकारांचे दमन विरोधात आवाज उठवणाऱ्यांचा आवाज दाबण्याचे काम सातत्याने सुरू आहे. यासिन मलिकविरूद्ध खोटे आरोप लावून काश्मीरचा स्वातंत्र्याबद्दलचा संघर्ष थांबणार नाही. मी विनंती करतो की युएनने काश्मिरी नेत्यांविरूद्ध सुरू असलेल्या खोट्या अन्यायकारक कायदेशील खटल्यांची दखल घ्यावी.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
