अनेकांच्या घरी किंवा ऑफिसमध्ये एअर कंडिशनर(एसी) असते. एअर कंडिशनरमुळे आपल्याला अल्हादायक वाटत असले तरी जास्त वेळ अशा वातावरणात राहणे शरिरासाठी हानिकारक ठरु शकते. सध्या कोरोना व्हायरसच्या प्रादुर्भावामुळे सर्व जग बेजार आहे. ऑफिस किंवा घरी एसी चालू न ठेवण्याचा सल्ला तुम्ही अशात ऐकला असेल. थंड वातावरणात कोरोना व्हायरस जास्त काळ तग धरुन राहतो. त्यामुळे शक्यतो एसीचा वापर न करण्याचा सल्ला देण्यात येतो. याशिवाय एसीच्या थंड वातावरणात जास्त काळ राहण्याचे अनेक दुष्परिणाम आहेत.
एअर कंडिशनर पुढील सात कारणांसाठी नुकसानदायी ठरु शकते...
1. एसीमुळे सभोवतालचे वातावरण थंड होते. तसेच शरीराचे तापमान कमी होते. कमी तापमानामुळे डोक्यातील पेशी संकुचित होतात. याचा बुद्धीची क्षमता आणि क्रियाशिलतेवर विपरित परिणाम होऊ शकतो.
2. एसीमध्ये जास्त काळ राहणे त्वचेसाठी चांगले नसते, त्वचा शुष्क पडण्याची शक्यता असते.
3. जास्त वेळ एसीमध्ये राहिल्याने गुडघेदुखीचा त्रास सुरु होण्याची शक्यता असते. जास्त वेळ एसीमध्ये बसल्याने शरीर आकडण्याची शक्यता असते.
4. जास्त काळ एसीमध्ये घालवत असल्याने रक्तदाबाची(ब्लड प्रेशर) समस्या जाणवू शकते. एसीमध्ये राहिल्याने कमी रक्तदाब होऊ शकतो.
5. एसीमध्ये जास्तवेळ घालवणे अस्थमा किंवा दमा असणाऱ्या रुग्णांसाठी धोकादायक मानलं जातं. हवेत असणारा ओलावा अस्थमासाठी ट्रिगरसारखं काम करु शकतो.
6. एसीमध्ये जास्त वेळ घालवत असल्याने वजन वाढण्याची दाट शक्यता असते. थंड जागेत काम केल्याने आपल्या शरिरातील उर्जा जास्त खर्च होत नाही. त्यामुळे शरिराची चरबी वाढण्याची शक्यता असते.
7. खूप वेळ एसीमध्ये काम करत राहिल्याने थकवा, डोकेदुखी, चिडचिडपणा जाणवू शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.