वेळी अवेळी खाणं आणि चुकीच्या जीवनशैलीमुळे (Lifestyle) लोकांच्या तब्येतीवर परिणाम होतो आहे. पोट आणि कंबरेवर फॅट-चरबी मोठ्या प्रमाणात साचल्यावर ती कमी करणेही कठीण असते. जर तुम्हालाही वजन आणि चरबी कमी करायची असेल तर काही उपाय करणे गरजेचे असते. यासाठी सायकल चालविल्याने फायदा होऊ शकतो. जीममध्ये तासनतास वर्कआउट करताना जेवढा फायदा मिळतो तेवढाच सायकल चालवल्याने होतो. सायकल चालवल्याने मेटाबॉलिक रेट वाढतो. मांसपेशी मजबूत होतात आणि चरबीही कमी होते.
सायकलिंगमुळे कॅलरीज कमी होतात- एका संशोधनानुसार, वजन कमी करण्यासाठी व्यायाम केल्याने तुम्ही आठवड्यातून २ हजार कॅलरीज बर्न कराव्या लागतात. पण,नियमित सायकल चालविल्याने दर तासाला ३०० कॅलरीज बर्न होतात. म्हणूनच तुम्ही जितकी जास्त सायकल चालवाल तितक्या जास्त कॅलरीज बर्न होतील. पर्यायाने शरीरातील फॅट कमी होईल, पण यासाठी सायकल चालवण्यासोबतच योग्य डाएट खाणं गरजेचं आहे.
रोज किती सायकल चालवावी?- सायकल चालविल्याने मसल्स टोन होतात, तसेच हाडे मजबूत होतात. वजन कमी करण्यासाठी हा एक उत्तम व्यायाम आहे. अनेक संशोधनातून, दररोज एक तास सायकल चालवून तुम्ही ३०० कॅलरीज बर्न करू शकता, असे समोर आले आहे. त्यासाठी आरोग्य तज्ञ दररोज 30 ते 60 मिनिटे सायकल चालवण्याचा सल्ला देतात.
अशाप्रकारे करा जास्तीत जास्त सायकलचा उपयोग
- बाजारात, शाळा किंवा अगदी ऑफिसला जाण्यासाठीही तुम्ही सायकल वापरू शकता.
- कॅलरीज कमी करण्याबरोबर इतर गंभीर आजारांपासून तुम्ही सायकल चालविल्याने वाचू शकता.
-सायकल चालविल्याने तुम्ही हृदयाच्या समस्या, स्ट्रोक, मधुमेह, डिप्रेशन या आजारापासून दूर राहता.
- सायकलिंगमुळे नैराश्य, तणाव आणि चिंता यासारखे मानसिक आजार कमी होतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.