गर्भनिरोधक गोळ्या घेताना आहारात करा 'या' पदार्थांचा समावेश

सध्याच्या काळात अनेक स्त्रिया करिअरवर जास्त फोकस करत आहेत. त्यामुळे प्रथम करिअर आणि त्यानंतर फॅमेली प्लॅनिंग असा अप्रोच काही जणींचा पाहायला मिळतो. म्हणूनच, लग्नानंतर लगेगच प्रेग्नंसी राहू नये यासाठी अनेक स्त्रिया गर्भनिरोधक गोळ्यांचं सेवन करतात. या गोळ्यांमुळे नको असलेली प्रेग्नंसी टाळली जाते. परंतु, या गोळ्या वारंवार घेतल्यामुळे त्याचा शरीरावर विपरित परिणाम होत असतो. स्त्रियांच्या हार्मोन्समध्ये बदल होतात, मासिक पाळीचं चक्र बिघडून जातं. म्हणूनच, गर्भनिरोधक गोळ्या घेताना आहारात कोणत्या पदार्थांचा समावेश करावा ते जाणून घेऊयात. (foods-you-should-eat-if-you-are-on-contraceptive-pills-ssj93)

दही -

सुपरफूड म्हणून दह्याकडे पाहिलं जातं. दही खाण्याचे अनेक फायदे आहेत. त्यामुळे गर्भनिरोधक गोळी घेत असताना तुम्ही आहारात दह्याचा वापर करु शकता. दह्यामध्ये रायबोफ्लेविन असतं जे व्हिटॅमिन बी म्हणून देखील ओळखलं जातं. या व्हिटॅमिनमुळे कॅल्शिअमचं प्रमाण वाढतं. तसंच पचनक्रियादेखील सुरळीत होते. तसंच डोकेदुखी, अंगदुखी या समस्या सुद्धा दूर होतात.

२. केळी -

केळ्यामध्ये मोठ्या प्रमाणावर पोषणमूल्याचा समावेश असतो. यात व्हिटॅमिन बी ६ मोठ्या प्रमाणावर असतं. त्यामुळे आहारात केळ्यांचा समावेश करावा. केळ्यांमुळे मूड चेंज होण्यास सुद्धा मदत मिळते. तसंच सेरोटोनिन हर्मोन्सची संख्यादेखील वाढते.

३. हिरव्या भाज्या -

स्त्रियांनी आहारात पालक,ब्रोकोली,मेथी अशा हिरव्या भाज्यांचा समावेश केला पाहिजे. हिरव्या भाज्यांमध्ये फोलेटचं प्रमाण जास्त असतं. ज्यामुळे रक्ताभिसरणाची प्रक्रिया सुरळीत होते.

४.आंबट फळे -

गर्भनिरोधक गोळ्या घेत असताना आहारात संत्री, लिंबू अशा आंबट फळांचा समावेश केला पाहिजे. या फळांमध्ये व्हिटॅमिन सी चं मुबलक प्रमाण असतं. ज्यामुळे गर्भनिरोधक गोळ्या घेतल्यावर शरीरावर त्याचे साइड इफेक्ट्स होत नाहीत.

५. सोयाबीन -

सोयाबीनमुळे शरीरातील एस्ट्रोजेनवर नियंत्रण मिळवत असतं. त्यामुळे आहारात सोयाबीन किंवा सोया मिल्कचा समावेश करावा.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)