महिलांसाठी सर्व आजारांवर रामबाण उपाय म्हणजे शतावरी, जाणून घ्या जबरदस्त फायदे

नागपूर : आयुर्वेदामध्ये निसर्गामध्ये मिळणाऱ्या जडी-बुटीचा वापर केला जातो. अनेक जडी-बुटी अशा असतात, ज्याबाबत अनेकांना माहिती नसते. अश्वगंधा आणि गिलोय यांचा वापर गेल्या अनेक दिवसांपासून करत आहोत. मात्र, शतावरी या जडी-बुटीबद्दल अनेकांना माहिती नाही. प्राचीन भारतीय औषध ग्रंथामध्ये देखील याबद्दल सांगितले आहे. शतावरी प्रत्येकासाठी उपयुक्त आहे, मात्र, सर्वाधिक उपयोगी आहे ते महिलांसाठी. आज याच शतावरीचे उपयोग आम्ही तुम्हाला सांगणार आहोत.

मासिक पाळीमध्ये उपयुक्त -
शतावरीचे सेवन केल्यास मासिक पाळीमध्ये येणाऱ्या समस्या झटपट दूर होतात. अनेका मासिक पाळीमध्ये जास्त रक्तस्त्राव होणे, अवेळी रक्तस्त्राव होणे, दुखणे, पीसीओडी आणि पीसीओएस आदी समस्यांचा सामना करावा लागतो. पण नियमितित तुम्ही शतावरीचे सेवन केल्यास या समस्यांपासून सुटका मिळेल.

हेही वाचा - पालकमंत्र्यांना वृद्ध कलावंतांसाठी नाही 'ऊर्जा', दीड वर्षानंतरही मानधन...

गर्भधारणेमध्ये मदत -
अनेक महिलांना इच्छा असूनही गर्भधारणा होत नाही. त्यांना शतावरी सेवन करण्याचा सल्ला दिला जातो. प्रत्येक महिलेच्या मेनस्ट्रुअल सायकलमध्ये ओव्ह्युलेशनचा एक फेज असतो. त्यावेळी महिला गर्भधारण करण्यासाठी प्रयत्न करत असेल तर गर्भ राहण्याची शक्यता असते. मात्र, अनेक महिला अशा असतात, की त्यांच्या दोन मासिक पाळींमध्ये ओव्ब्युलेशन पिरीयड्सच येत नाही. अशा महिलांना नियमित शतावरीचे सेवन केल्यास त्यांना गर्भधारणा होण्यास मदत होते.

गर्भधारणा आणि प्रसूतीमध्ये लाभदायक -
शतावरी महिलांना गर्भधारणेमध्ये मदत करते अगदी त्याचप्रमाणे गर्भावस्थेमध्ये देखील लाभदायक आहे. त्यामुळे फोलेटचे प्रमाण वाढते आणि गर्भावस्थेमध्ये महिलेला फोलेटची जास्त गरज असते. शतावरी अर्भकाच्या डोक्यापासून तर पायांपर्यंत सर्वच अंगाचा विकास करण्यास मदत करते. प्रसूती झाल्यानंतर देखील शतावरी घेणे लाभदायक ठरते. त्यामुळे दूध वाढते. कोणती महिला ही प्रसूतीच्या नंतर शतावरीचे सेवन करत असेल तर तिच्या बाळाला दुधाची कमी जाणार नाही.

हेही वाचा - महापालिका अभियंत्यांचा कोरोनामुळे मृत्यू, फ्रंट लाइन...

शरीरातील तणाव कमी करण्यास मदत -
तुम्हाला ताण-तणाव, भीती किंवा डिप्रेशनची समस्या असेल तर तुम्ही शतावरीचे सेवन करू शकता. शरीरामध्ये ताणतणाव वाढतो त्यावेळी शरीरातील हार्मोनमध्ये देखील बदल होतात. मात्र, शतावरीचे सेवन केल्यास हार्मोन बॅलेन्स होण्यास मदत होते. त्यामुळे शरीरातील तणाव देखील कमी होतो.

शरीरातील रोगप्रतिकार शक्ती वाढण्यास मदत -
शतावरीमध्ये अँटी-ऑक्सिडंटचे प्रमाण असते. त्यामुळे महिलांनी शतावरीचे सेवन केल्यास रोगप्रतिकार शक्ती मजबूत होण्यास मदत होते. तसेच कोणताही आजार होत नाही.  

असे करा सेवन -
रात्री झोपण्याच्या दोन तासांपूर्वी शतावरीचे सेवन करा. गरम दुधामध्ये हळदी आणि शतावरी चूर्ण घालू पिऊ शकता. तसेच दुधामध्ये तूप घालून देखील शतावरीचे सेवन करू शकता. 
                                                                                                                    (ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)