कोणत्याही व्यसनाचा अतिरेक करणं शरीरासाठी घातक आहे. त्यातच सध्याची तरुणाई मद्यपान व धुम्रपान (smoking) करण्याकडे जास्त आकर्षित होत आहे. सतत धुम्रपान किंवा मद्यपान केल्यामुळे अनेक शारीरिक समस्यांना आमंत्रण मिळतं हे साऱ्यांनाच ठावूक आहे. त्यामुळेच भावी आयुष्यात निर्माण होणाऱ्या समस्या टाळण्यासाठी काही जण या व्यसनापासून दूर जाण्याचा प्रयत्न करतांना दिसतात. परंतु, सिगारेट किंवा तंबाखू या व्यसनांपासून दूर जाणं अनेकांना कठीण असतं. म्हणूनच, त्याला पर्याय म्हणून काही जण लाइट सिगारेटची निवड करतात. लाइट सिगारेट ओढल्यामुळे त्रास कमी होतो असा अनेकांचा समज आहे. परंतु, प्रत्यक्षात लाइट सिगारेटही अन्य सिगारेट इतकीच घातक आहे. (tobacco-persistent-myths-about-smoking)
लाइट सिगारेट खरंच कमी धोकादायक आहे का?
धुम्रपानामुळे होणारे दुष्परिणाम टाळण्यासाठी काही जण महागड्या लाइट सिगारेट खरेदी करतात. अनेकांना वाटतं की लाइट सिगारेट घेतली तर शारीरिक त्रास कमी होईल. परंतु, प्रत्यक्षात हे साफ खोट आहे. लाइट सिगारेटमुळे कमी त्रास होतो असा समज करुन अनेक जण जास्त प्रमाणात सिगारेट ओढतात. मात्र, डॉक्टरांच्या म्हणण्यानुसार, लाइट सिगारेटही अन्य सिगारेट इतकीच धोकादायक आहे.
लाइट सिगारेट ओढल्यामुळे फुफ्फुसाचा कर्करोग, स्ट्रोक आणि हृदयविकाराचा झटका येण्याची शक्यता असते. त्यामुळे नॅच्युरल किंवा ऑर्गेनिक नावाने विकण्यात येणाऱ्या सिगारेटही अन्य सिगारेट इतक्याच घातक आहेत.
दरम्यान, अमेरिकेतील लंग असोसिएशनचे चीफ मेडिकल ऑफिसर प्रोफेसर नॉर्मन इडेलमन यांच्या मतानुसार, तुम्ही जितक्या लवकर धुम्रपान करणं सोडाल तितकं तुमच्या आरोग्यासाठी चांगलं आहे. वयाच्या ७० व्या वर्षीही धुम्रपान सोडलं तरीदेखील लगेच तुमच्या आरोग्यात झालेला बदल तुम्हाला जाणवू लागेल. त्यामुळे जितकं लवकर शक्य होईल तितक्या लवकर धुम्रपानाला दूर ठेवण्याचा प्रयत्न करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
