Winter Health Care : हिवाळ्यात जास्त पाणी पिता? सावधान, ओढावू शकतो मृत्यू

Over Water Drinking Causes Death : आपण नेहमी ऐकलं असेल की, खूप पाणी प्या, स्कीनसाठी, आरोग्यासाठी चांगलं असतं. पण तुम्हाला माहिती आहे का की, जास्त पाणी पिल्यानेही मृत्यू ओढावू शकतो. थंडीत लोक तसेही पाणी कमी पितात. पण काही लोक फिटनेसच्या नादात गरजे पेक्षा जास्त पाणी पितात. पण तुम्हाला माहितीये का मार्शल आर्टस किंग ब्रुस लीचा मृत्यू पण जास्त पाणी प्यायल्याने झाला होता.

काही तज्ज्ञांच्या मत जेव्हा तुम्ही गरजेपेक्षा जास्त पाणी पितात तेव्हा तुमच्या किडनीवर त्याचा अतिरीक्त ताण येतो. ब्रुस ली यांनी जास्त पाणी प्यायल्याने त्यांची किडनी फेल झाली अन् मृत्यू झाला असं नव्या शोधात समोर आलं.

सायन्स सांगतं की, गरजेपेक्षा जास्त पाणी पिल्याने ओव्हरहायड्रेशन होऊ शकतं. त्यामुळे तापमान, उत्सर्जन आणि पचनक्रिया यावर विपरित परिणाम होतो. ओव्हरहायड्रेशनमुळे माणूस हायपोनायट्रेमियाच्या स्थितीत जातो. त्यामुळे इलेक्ट्रोलाइट वेगात कमी होतात आणि मृत्यू ओढावू शकतो.

एका दिवसात किती पाणी प्यावं?

आपण बऱ्याचदा ऐकतो की, दिवसाला ८ ग्लास पाणी प्यावं. पण खरच एवढ्या पाण्याची आवश्यकता असते का? एका रिसर्चमध्ये हे सिध्द झालं आहे की, पुरुषांनी दिवसभरात साधारण ३.७ लीटर पाणी प्यावं. तर स्त्रियांनी २.७ लीटर पाणी प्यावं.