Medicine: मधुमेहासोबतच लठ्ठपणावर नियंत्रण ठेवणारे आयुर्वेदिक औषध असल्याचे नवी दिल्ली येथील ऑल इंडिया इन्स्टिट्यूट ऑफ मेडिकल सायन्सेस (एम्स) च्या अभ्यासात दिसून आले आहे. वजन कमी करण्याबरोबरच हे औषध तुमची पचनशक्तीही सुधारेल. डॉक्टरांच्या मते, मधुमेहाच्या रुग्णांमध्ये लठ्ठपणा हे एक महत्त्वाचे कारण आहे. त्यामुळे त्यांना अनेक समस्यांना सामोरे जावे लागते. 'BGR-34' असे या औषधाचे नाव आहे.
एम्सच्या फार्माकोलॉजी विभागाचे प्राध्यापक डॉ. सुधीर कुमार सारंगी यांच्या देखरेखीखाली केलेल्या तीन वर्षांच्या अभ्यासात असे आढळून आले आहे की, हे औषध मधुमेह आणि लठ्ठपणा या दोन्हींमध्ये फायदेशीर आहे. अभ्यासादरम्यान, BGR-34 ची चाचणी अनेक मधुमेहविरोधी अॅलोपॅथी औषधांसह करण्यात आली होती. हे औषध अ‍ॅलोपॅथीच्या औषधांसोबत दिल्यास परिणाम अधिक परिणामकारक होतात का, हे पाहण्याचा प्रयत्न या अभ्यासातून करण्यात आला होता. आणि त्याचा रिजल्टही चांगला आला. संशोधनात असे दिसून आले आहे की BGR-34 हे एक अतिशय प्रभावी औषध आहे.
BGR-34 हे औषध वैज्ञानिक आणि औद्योगिक संशोधन परिषदेच्या (CSIR) शास्त्रज्ञांनी अथक संशोधनानंतर तयार केले आहे. पोलंडच्या सायन्स जर्नल 'सेंडो' मध्ये प्रकाशित झालेल्या संशोधनानुसार, हे औषध ग्लायकेटेड हिमोग्लोबिन (HbA1c) देखील नियंत्रणात आणते. त्यात औषधी वनस्पतींचा समावेश करण्यात आला आहे. हे औषध शरीरातील अँटिऑक्सिडंट्सचे प्रमाणही वाढवते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
