Easy Fitness Tips : व्यायामाचा आळस करणाऱ्या लोकांसाठी, सोपा फिटनेस फंडा

Easy Fitness Tips In Marathi : नोकरीचं, कामाचं बिझी शेड्युलमुळे व्यायामाला वेळच मिळत नाही अशी अनेकांची तक्रार असते. बऱ्याच लोकांची सबब असते की, त्यांना व्यायामा करण्याचा किंवा जीममध्ये जाण्याचा कंटाळा येतो, अशा लोकांनाही त्यांच्या फिटनेसची चिंता तर सतावतच असते. अशा वेळी काही पर्याय आहे का? या प्रश्नाचं होकारार्थी उत्तर घेऊन आलो आहोत. १, २ नाही तर ८ सोप्या प्रकारे तुम्ही हेल्दी राहू शकतात.

पर्यायी उपाय

पायऱ्यांचा वापर

चालण्याचा व्यायामही होत नाही म्हटल्यावर ऑफीसमध्ये किंवा कुठेही लिफ्टचा वापर न करता जिन्याचा वापर करा. कामाच्या ठिकाणी लहान, सहान फोन कॉलसाठीही जागेवरून उठा आणि चालत फोनवर बोला.

घरची स्वच्छता

आळस आणि सुस्ती घालवण्यासाठी घराची साफसफाई करा. डीप क्लीनिंग करा. यामुळे तुम्ही शारीरिक आणि मानसिक दोन्ही प्रकारे फिट राहू शकतील.

डेस्क जॉब

जर तुमचा डेस्क जॉब असेल तर दर आर्ध्या तासाला उभे रहा. एक चक्कर मारून मग पुन्हा जागेवर बसा.

पाळीव प्राणी पाळा

पाळीव प्राणी पाळणे हे यावर एक उत्तम पर्याय होऊ शकते. कारण प्राण्याला फिरायला नेण्याच्या कारणाने तुमचाही वॉक होतो.

हालचाली

टीव्ही बघत असला तरी एका जागी बसून बघू नका हालचाल करा शिवाय हलका, फुलका व्यायाम या वेळात करा.

सोशल अॅक्टीव्हिटी

एका जागी बसून सोशल अॅक्टीव्हिटी करण्याऐवजी शारीरिक हालचाली असणाऱ्या अॅक्टिव्हिटी कराव्या. यामुळे मन आणि शरीर दोन्हीही अॅक्टीव्ह राहते.

स्वयंपाक

जेवण बनवण्याची इच्छा नसतानाही ते बनवा आणि सगळ्यांना प्रेमाने खाऊ घाला.

बागकाम

बागकाम करा. त्यात वेळ घालवल्याने झाडांकडून भरपूर ऑक्सीजन मिळतो आणि हालचालही होते.

खेळ

तुमच्या आवडीचे मैदानी खेळ खेळा. यामुळे मन आणि शरीर दोन्ही फ्रेश होईल.